SHILLONG, Risaw 07: Ki jingïalehkai group stage jong ka Shillong Sports Association First Division Football league 2026 ha ka Group A ki la poi sha kaba kut hynne ka sngi Balang, ha kaba ka Nongthymmai SC ka la duh ei ïa ka kabu ksiar ban rung sha ka semi final naba ïakhaid mar 2-2 kol bad ka Nongkrem SC.
Hadien ka jingpyndep ïa baroh saw tylli ki jingïalehkai, ka Nongkrem ka lamkhmat ha khlieh duh da 8 point (jop 2 sien; ïakhaid 2 sien) ban pynthikna ïa ka jaka ha ka semi final, katba ka Nongthymmai ka la pyndep ha ka kyrdan ba lai.
Watla ka Nongthymmai ka don ïa ka jingïapher kol kaba kham bun ban ïa ka Malki SC kaba wan ha ka kyrdan ba ar (da +3 la 1), hynrei katkum ka kyndon jong ka SSA, ka Malki ka wan hakhmat namar ka don ïa ka rekod jingjop ha ka por ba kine ki arliang mamla ki ïakynduh pyrshah (ha kaba ka Malki ka la jop da 3-2 ïa ka Nongthymmai).
Watla ka long ka jingduh jingkyrmen ïa ka Nongthymmai, hynrei ka kynhun ka la leh kat ban biang ban lait ïakhun ha ka relagation zone match da kaba pyndep kyrdan ba lai. Ki ar tylli ki kynhun ki ban hap ban ïakhun ïa kane ka Round na kane ka Group kadei ka Laitkyrhong SC bad ka Mawtawar SC.
Nalor kine, sa ar tylli na ka Group B kin ïakhun ïa ka relation zone.
