Nongpoh, Risaw 03: Ha kawei ka jingjia aksiden kali ka la jia ha surok bah National Highway 6 ba hap ha ka shnong Dulongar, Ri-Bhoi District, mynta ka janmiet, ar ngut ki briew kiba shong ha ka scooty ki la mynsaw, bad uwei napdeng jong ki u la mynsaw jur hadien ba kila shah tynrah haka trok katba ki dang thmu ban hiar sha ki thaiñ Guwahati.
Katkum ka khubor ba la ioh lum, katei ka jingjia ka la jia ha ka por kumba 5 baje janmiet, ha kaba kawei ka scooty kaba don ïa u Registration Number AS 15 S 3096 ka la shah rat ha kawei ka trok 407 bad mar sien dep tynrah katei ka trok kala phet krad noh na katei ka jaka haduh ba uwei napdeng kiba shong ha katei ka scooty u la mynsaw jur.
Ki paidbah kiba la sakhi ïa katei ka jingjia ki la pyntip mardor sha ki bor pulit bad sha ka ambulance 108 ha kaba mar mar naka liang ki pulit bad ka kynhun 108 ki la poi noh sha katei ka jaka bad pynkit ïa ki ba mynsaw sha Civil Hospital ban ioh ïa ka jingsumar kaba kyrkieh
Shuh shuh naka liang ki pulit kila pynlong ka jingtohkit bad ruh ban thwet bad ban lapdien ïa katei ka trok kaba la phet krad na katei ka jaka.
