Ha ryngkat ka jingiphuh iphieng la rakhe ïa ka 11th Ayurveda Day 2026 ha SWKHs. District

Mawkyrwat, ‘Nailur 25: Ka 10-Bedded Integrated AYUSH Hospital, Mawkyrwat, South West Khasi Hills District, da ka jing-i-phuh i-phieng ryngkat ka jingpynlong ïa ka jingïakop dro jingdro ka la rakhe ïa ka 11th Ayurveda Day 2026 hapoh ka phang kaba ong, “Ayurveda for a Healthier Tomorrow” ha South West Khasi Hills District.
Ha kane ka jingrakhe ka Dr. C. Lamin, District Medical & Health Officer, South West Khasi Hills District, ka la long kum ka kongsan ha ryngkat ka jingïadonlang ki doktor AYUSH, Dr. A. Shylla, Dr. Ritreka Nartiang, AYUSH Medical Officer, Nongsynrieh AHWC, Dr. Lamonlin Khongshei, AYUSH Medical Officer, Mawpud AHWC, Dr. Unity Shylla, AYUSH Medical Officer, Wahkaji PHC, bad Dr. Alva Tlang, AYUSH Medical Officer, Rangmaw AHWC.
Ïa kane ka program la pynlong hapoh ka jingpeit jingkhmih bad jingpynïaid ka Dr. B. Nongtraw, In-charge, 10-Bedded Integrated AYUSH Hospital, Mawkyrwat, ha kaba kane ka jingrakhe ïa ka 11th Ayurveda Day 2026 ka la long kaba jop. Ka Dr. Kordor S. Thongngi, DPM, NAM, South West Khasi Khasi Hills District bad u Dr. Liverson Iawphniaw, MO AYUSH AYURVIDYA ki la long ki nongbishar jong ka jingïakop dro jingdro.
Shuh shuh kum shibynta jong ka jingrakhe, ka 10-Bedded Integrated AYUSH Hospital, Mawkyrwat ka la pynlong ruh ïa ka jingïakop dro jingdro na ka bynta ki khynnah skul kaba 5 tylli ki skul ki la wan ïashimbynta bad ki nongjop ha kane ka jingïakop ki kynthup ha ka ‘Category A’, ki long na ka Bethel School, Nonglang dei i Lilyflorry Kharlyngdoh kaba rah ïa ka nam ba nyngkong bad i Kyntiewnamshisha Iawphniaw ïa ka nam ba hynriew katba i Waisaphira Tongwah ïa ka nam ba ar, i Pyndapjingkmen Suting ïa ka nam ba saw bad i Febianhamebanskhem Lyngdoh ïa ka nam ba san na ka Maharam Government Higher Secondary School, Mawkyrwat bad i Saphiwanpyndap Lyngdoh ïa ka nam ba lai na ka Presbyterian Higher Secondary School, Mawlangwir.
Nangta, ki nongjop ha ka ‘Category B’ ki long, i Wanaijingsuk Iawphniaw ha ka kyrdan ba nyngkong, Davgavrelian Syiemlieh ha ka kyrdan ba ar, i Ekambha Nongsiej ha ka kyrdan ba lai, i Danisha Lyngkhoi ha ka kyrdan ba san bad i Josephperry Shangpliang ha ka kyrsan ba hynriew na ka Maharam Government Higher Secondary School, Mawkyrwat, bad i Medarihun Snaitang ha ka kyrdan ba saw na ka Bethel School, Nonglang.
Ha kane ka jingrakhe ka la don ruh ka jingsam ïa ki khusnam nongjop ha ka 10-km bad 5-km kaba dei jong ka “Run for Ayurveda” Marathon, kaba la dep ban pynlong ha ka 19 tarik u Nailur, 2026, ha phyllaw jong ka 10-Bedded Integrated AYUSH Hospital, Mawkyrwat, hajan ka Civil Hospital, Mawkyrwat ha kaba haduh 200 ngut ki nongmareh ki la wan ban ïashimbynta.
La pynshit pynshngañ ïa kane ka program da ka jingrwai kyrpang na ki nongtrei hapoh ka 10-Bedded Integrated AYUSH Hospital, Mawkyrwat.
Ïa kane ka program la lamkhmat da u Dr. N. Lyngdoh, katba ka Dr. B. Lyngdoh Marshilong ka la ai ka jingkren pdiang sngewbha bad ka Dr. B. Nongtraw, In-charge, 10-Bedded Integrated AYUSH Hospital, Mawkyrwat pat ka la ai ka jingkren khublei.