Jowai, Nailur 25: Ki jingïakhun jong ki lympung phutbol “Super Division” bad First Division League 2026 bala pynïaid daka East Jaiñtia Hills District Football Association (EJHDFA) ba la long hynne ka sngi Thohdieng ha Artificial Diengshynrum, Khliehriat.
Haba phai sha ka jingïakhun ba nyngkong jong ka 6th Kyrmen Shylla Contribution Trophy League Stage 2026 ba la tip da ka “Super Division” hapdeng ka Diengchynrum SC pyrshah ïaka Wahiajer Narpuh SSC, ka la kut ha ka jingïakhaid, ha kaba baroh arliang ki la thep mar shi kol (1-1). Ka Wahiajer Narpuh SSC ka la thep dang kloi lyngba u Sanjib Chetri (1’) hynrei ka Diengchynrum ka la pynïakhaid lyngba u Th Aktar Hussain (88’).
Katba haka jingïakhun jong ka Thomas Nongtdu Memorial Trophy haka kyrdan 1st Division League 2026, ka Khliehriat West YWSC kala pynliem noh da 3-2 kol ïaka Rymbai Wahshnong SC.
Ka Khliehriat West YWSC ka la lamkhmat ar sien ïa ka jingïalehkai shuwa ban jop, da kaba pynkhihjar lyngba u Seram Sekho Singh (10 & 80’) bad u Bijoy Suting (55’), katba ka R. Wahshnong SC la thep da u Verdict Swer (48’) bad u Deiwompoipyrkhat Swer (71’).
