Angnud ki paidbah ban pyndep kloi ïa jingpyntrei ïa ka surok ha ki bynta Garikhana

Shillong, Nailur 21: Kan long kabu kaba khraw bha ïa ki paidbah kiba ju wan ban ïaid na ka thaiñ Garikhana ne ka stad jeep ha kaba na ka liang jong ka tnat kaba dei peit ka la shim khia ban maramot noh ïa kane ka surok kaba ki khot da ka Aqaduct Road kaba ka la dei kaba la slem bha ïa kaba khlem da la maramot.
Kane ka jingleh jong ka sorkar lah ban ong ba ka long ba ka long ka bynta kaba khraw bha ha kaba kiba bun na ki paidbah ha kane ka por ki la ïohi ïa ka jingkylla jong kane ka jaka.
Kane ka surok hapoh them garikhana ka dei kaba la slem bha ba ki paidbah ki dang khmih lynti ba na ka liang jong ka tnat PWD kan lah ban leh eiei noh hynrei da ka jingïai ap kaba la slem bha na ka liang jong ka tnat PWD ka la sdang ban maramot noh ïa kane ka surok.
Ka jingshna ïa kane ka surok la ïohi ba ka la long mied la bad sngi bad na ka liang jong ki nongtrei ruh ki la trei khlem sangeh bad kane ka la nang wanrah ïa ka jingtrei kaba kham kloi.
Na ka liang jong ki paidbah ha kaba ïadei bad kane na ka liang jong ki paidbah kiba ïaid sharum shaneng ki la angnud ba ka jingpyntrei ïa kane ka surok kan long kaba lah ban dep ha ka por kaba biang.
Shuh shuh ha kaba ïadei bad kane na ka liang jong ki paidbah ki la kwah ba ka tnat kan lah ban pyndep kloi ïa kane ka surok khnang ba kan long ka jingmyntoi kaba khraw bha ïa ki paidbah kiba ïaid ba ïeng na kane ka surok manla ka sngi.