Lyngba ki jingïasyllok la lum bad pynskhem ïa ka ktien Koch ha South West Garo Hill

Shillong, Nailur 21: Ka prokram kaba la neh ar sngi kaba batai halor ka “kaba lum bad kaba thoh pynskhem ïa ki jingtip jong ka ktien Koch, la dep long ha Ghasura Gaon ha South West Garo Hills ha ka 19 bad 20 tarik Nailur bad ka jingthmu jong ka jingpynneh, kaba lum ïa ki jingthoh bad pynskhem ïa ka ktien Koch.
Ïa katei ka prokram, la ïarap seng da ka Foundation for Endangered Languages (FEL), England bad Wales, United Kingdom bad la pynïaid da u Prangshu Manjul, Project Director, ha ka jingïatreilang jong ka Koch Krorang Mathop (KKM), Koch Literature Society, Meghalaya bad kaba don hapoh jong ka jingïalam jong u Nirmal Koch, President ka Koch Krorang Mathop.
Ha katei ka prokram, la don ka jingkren da ki riewshemphang ba tbit ha ki jait ktien bapher bapher, ki jingthoh pynskhem ïa ki ktien bad kiwei kiwei. Katba ïa ki riewshemphang kiba don bynta hangne ki kynthup ïa u Dr. Palash Kumar Nath, Assistant Professor, Department of Linguistics, Gauhati University, kiba ka jingwad bniah jong ki ka phai khmat halor ka jingthoh bad jingpynneh iaki thylliej kiba la don ha ka ma ban jah noh, ki long ka Dr. Monali Longmailai, Assistant Professor, Department jong ka Linguistics, Assam University, Silchar, kaba shem shaphang ki ktien Tibeto-Burman, jingthoh pynskhem bad kiwei kiwei, ka thoh ka tar bad ka rukom pynbeit kyntien bad ka jingshna kyntien, bad u Dr. Krishna Boro, Assistant Professor, Department of Linguistics, Gauhati University, uba tbit ha kaban batai iaki ktien bad jingthoh pynskhem.
Katba u Upendra Hari Koch, Advisor, Koch Krorang Mathop (Koch Literature Society), u la iashim bynta lang ha kanr ka jingpyn neh iaka ktien Koch.
Ki nongkren ba shisha ïa ka ktien Koch ki dei kiba na ki kynhun bapher bapher kiba ïashim bynta ha kane ka prokram, kaba la pynïoh ïa kane ka prokram ban ïakren shaphang ka jingdonkam jong ka jingthoh pynskhem bad kiwei kiwei ki jingpynneh ïa ka ktien Koch.
Kane ka prokram ka thmu ban pynskhem ia ka jingtrei shitom ban iada bad pynim ia ka thymmei jong ka ktien Koch bad baroh ki nongïashim bynta kila ïoh pdiang ïa ki syrnod ïashim bynta ha kaba kut jong kane ka prokram.