Ka Jingpyndap ïa ki Jingduna: Ka Jingïaid ka India sha ka jingsynshar dalade ha ki kam Semiconductor – Kunal Kashyap

Ka kam pynmih semiconductor jong ka ri India la ju ïoh jingithuh lyngba ka jingshna bad ka kam ATMP. Kane ka pyni ia ka jingkhih jong ka jingbei tyngka hynrei ka duh noh ia ka jaka ba ka jingtlot ka shong. Ka fab ka don ha ka kyrdan jong ka jingtreikam, ka nong pyndonkam ba bteng jong ka chemistry (deposition, etch, lithography, CMP, ki sienjam pynkhuid bad doping) ryngkat bad ki lyer pyntreikam elektronik (bulk bad specialty, dopant bad ki gasetch kiba ju long ha ka jingkhuid 5N-6N), ki dawai kiba sngem (sulfuric-peroxide bad ammonia-peroxide cleans, HF), ki CMP slurry, photoresist bad ki mar kiba lait na ka jingkhleh bad kiwei ha ki parts-per-billion ne – trillion na ka bynta ki jaboh jar kiba kongsan. Ka jingkhuid kaba khamrit bha ka lah ban ym ktah mardor ïa ka mar hynrei ka paw pat hadien katto katne taiew kum ka jingkylla ha ka jingmih ne ka jingduh jingshaniah. Kane ka dei ka jingshisha ha ki kam teknikal.
Kito kiba don bynta ha ka kam ki kheiñ ba ka jingshaniah ha ka jingwanrah nabar ri ia ki dawai kyrpang na ka bynta ki jaka treikam thymmai jong ka India ka long palat ia ka 85 percent, ha kaba ka jingshaniah ha ki tiar pyntreikam ka long kaba heh bha haba ianujor. Ha ka rukom treikam, kane ka kham kongsan ban ia ka ba kan long na ka bynta ka karkhana kaba la san bha, namar ia kine ki mar la pyndonkam beit bad ymlah ban bujli ia ki hapdeng ka por treikam khlem ka jingpynkylla pura. Ka jaka treikam kam lah ban shu pynkylla ia ki nongpynbiang slurry ne gas namar ka jingktah ia ka jingpynbiang mar khlem da shah ktah ki kam da ki taiew. Kane ka dei ka bynta kaba batai ia ka jinglong jong ka kam pynbiang mar. Ka Semicon 2.0 ka long kaba la pyndap ia ki jingduna da kaba pynlong ia ki tiar, ki dawai ba kyrpang, ki gas na ka bynta ki karkhana bad ki tiar kum u rishot bamarwei. Ka mishon ka pyni ia ka jingkylla na kaba khein ia ki tiar kum ka mar ban ioh na ka pyrthei sha kaba khein ia ki kum ka bor ban tei hapoh ka ri. Ka dei kawei na ki jingkylla kaba mih na ka polisi jong ka India naduh ba la sdang ia ka mishon. Ka peit ia ka bynta kaba pyni la ka jingroi jong ka kam ka kylla sha ka bor ban ieng pyrshah kaba shisha.
Baroh ki jingshaniah ha ka jingwanrah mar nabar ri ki don ia ka jingeh kaba mar kat juh ban pynbeit. Ka advanced lithography bad ki jingdonkam kiba iadei bad ka pisa ki don hapoh ka IP kaba dang kiew bad tang katto katne ki nongpyn biang mar ha ka pyrthei ha kaba ka jingrung ka India ha ki kam kiba kham shakhmat ka long kaba jynjar bha. Ki tiar ki long ka jingeh kaba pher shisha. Ki kham iar namar ka process chemistry, ka jingpeit ia ka jingjakhlia, bad ka kam ban pynkhuid, ym ka jingpynkhreh ia ki tiar ba la shna kyrpang. Ka nongrim ba la don lypa jong ka India ha ki dawai kiba bun bad kiba bha, ka jingpynkhuid kaba paka bad ka jingpyniakhlad ia ka lyer ha ki karkhana ka long ka jaka sdang kaba lah ban long ha ka liang ka jingstad. Watla kata, ban iaid na ka kyrdan karkhana sha ka kyrdan elektrik ka donkam ia ki bynta kiba khuid bha kiba la aitilut, ka jingpyniaid khlem da don ki jaitnar, bad ka jingpeit bniah kaba bteng, kaba bun ki nongpynmih chemical jong ka India kim pat don ka jingshemphang kababiang. Kane ka long kaba kongsan ka bynta ka polisi. Ka mut ki jingdon jingem kiba duna kidei ban leit sha ki kam kaba ka India ka la khlain lypa, ym ba kin poi ryntih sha baroh ki bynta. Ki don ki jingduna ha ka teknoloji kiba heh haduh kata ba ngim lah ban pyndap wut wut ia ki. Ki don pat ki bym long kumta. Ka polisi ka dei ban peit ia kaba ar.
Ki don katto katne ki jingdonkam kiba ngi dei ban pynbiang shuwa dalade. Kine ki dei kiba ka India ka pyndonkam bha, ka donkam man ka por bad ka thied na tang ki katto katne ki nongpynbiang mar kum ki process gas, wet chemical, slurry bad etchant. Ki khamduna dor ruh ban pynbiang dalade ban ia ki substrate ne ki precursor. Kumta man ka tyngkaba ngi pyndonkam hangne ka pynduna kham bun ia ka jingma ban ia kiwei kiwei. Ki jingiatreilang ha ki kam karkhana bad ki kam chemical ba dang shen ha ka ri hapoh ka mission ban pynbiang ia ki mar electric – grade ki dei ki nuksa ba lah ban pyntreikam bad ka rukom saindur ia ka mission ka plié ia ka lad ia kum kane ka kam la ka dei lyngba ki jingiatreilang bad ki nongialam jong ka pyrthei ha ka jingpynmih mar kiba kwah ban pynmih mar bad ka jingshemphang hangne, lane ka jingtei ia ka bor electronic – grade jong ki kompani jong ka India kibatrei ha ki kam gas bad chemical. Baroh kine artylli ki lad ki long kiba lah ban shim, bad ki iadei lang iwei ia iwei. Ki jingiatreilang ki wanrah ia ki kam kiba la pynshisha katba ki jingtei ia ka bor treikam hapoh ka ri ki wanrah ia ka bor kaba kham khlain bad kaba iaineh kaba donkam khnang ba ha kane ka kam kan khamiar. Ia ka Semicon 2.0 dei ban peitkum ka jingkhot ia baroh ar. Khein ia ki jingdon jingem kum ka jingeh. Ka kam ka pynkylla kyrdan ia ki nongpynbiang mar tang hadien ki jingpyrshang hapoh ki kyndon kiba pyrkhing bha ha ki bynta bapher bapher. Kito kiba don ha ka ri kiba kwah ban rung ha kane ka bynta bun sien kim don ia ki jingdon jingem ban leh ia kane. Kane ka pyni ba ka jingeh ha ka jingpynstet ia ka jingpynbiang hi dalade kam dei namar ka jingtlot ha ka bor pynmih mar. Ka jingpyniar ia ka jingai jingiarap ka Sorkar sha ki nongshna mar ka long kaba donkam hynrei kane kam lah ban byn beit marwei ia ki jingeh. Ka jingai jingmyntoi na ka bynta ki jingjop ha ka jingpynmih mar bad ka jingpyniasoh lang ia ki nongpynbiang mar jong ka ri bad ki fab bad OSAT ka weng ia jingeh, ka pyniasoh ia ki jingai jingiarap bad ki jingmih kiba don jingmut na ka bynta ka kam pynbiang mar kaba lah ban shaniah.
Ka jingbei tyngka ha ki Fab bad ATMP ka dang bteng ban long kaba donkam namar ka don nongrim ha ka bynta kaba pynlong ba ki mar ki lah ban iaid iew. Hynrei ka jinglah pyniaid dalade ia ki kam semiconductor kam wan na ka jinglong trei. Ka wan lyngba ka jingtehlakam bad ka jingpynduna ia ki mar ba donkam man ka por. Ka bynta jong ki mar ha ka Semicon 2.0 ka dei ka bynta jong ka polisi kaba peit ia ka jingeh bad ka jingurlong jong ka kan shong ha kumno ki kompani ki wan shakhmat ban shim ia kane ka bynta. Te kumno ngin khein ia ka jingiaid shakhmat kaba shisha? Ym lyngba ka jingkhein ia ki jaka treikam bathymmai ba la pynbna. Ka jingkhein ka long kaba khamsuk. Katno na ki mar kiba iaid lyngba ki kam fab jong ka India, shisien ba ki la treikam pura, ki dei kiba la pynmih hapoh ka ri. Kane ka jingkhein ka pyniasoh ia ki kam teknikal kiba jynjar ban pynkhuid bad pynbha bad ka jingthmu kaba kham heh. Kane kan pyni ia ka jinglah pynbiang dalade ia ki mar ki ba ngi donkam ha ka kam semiconductor.

(U nongthoh u dei u Chief Technology Officer (CTO), Display & Materials ha ka ISM, MeitY, Sorkar India)