Jowai, Nailur 17: U District Magistrate ka West Jaiñtia Hills, u la pynmih hukum hapoh ka Section 163 jong ka Bharatiya Nagarik Suraksha Sanhita (BNSS), kaba khang pyrshah ban pynlong ïa ka jingïadur masi (bull fight) bad kiwei de ki mrad ha baroh kawei ka District, kane ka hukum kan treikam mardor tad haduh ban da pynbna da kumwei pat.
Ïa kane ka hukum la pynmih halor ka jingbteng jong kiba bun ban pynlong ïa ka jingpynïadur masi bad ïa kiwei de ki mrad, khamtam ha ki por ba pynlong ïa ki Fete bad kiwei de ki tamasa ha kylleng ka District.
La pynsngew ba ïa kane ka jait jingpynïadur kala long pyrshah ïa ki kyndon jong ka Section 11 jong ka Prevention of Cruelty to Animals Act, 1960 bad ki jingbthah ka Supreme Court jong ka Ri India.
Halor kane ka hukum kino kino kiba pynkheiñ ïa ka kin shah pynshitom katkum ki kyndon jong ka aiñ.
