Palat spah klur kurup ka DRI ïa ki jingdih pynbuaid na kiba bun ki jaka ka thaiñ shatei lammihngi

Shillong, Nailur 17: Ha ka jingbteng ban tehlakam ïa ka jingkhaïi beaiñ ïa ki kynja jingdih pynbuiad, ka Directorate of Revenue Intelligence (DRI), ka la ioh kurup ïa ki nongkhaïi drok ba shyrkhei ha kane ka jylla jong ka thaiñ lammihngi, kaba la pynlong ban lap ïa u kynja drok ba la tip kum u methamphetamine ha kane ka thaiñ.
La lap ba kila khaïi beaiñ ha ki surok da kaba buh dor da ki spah klur tyngka. Katei ka kynhun ba kem ïa ki nongkhaïi drok ka la peitngor bha pynbiang pahara ha ki katto katne ki jaka bad kyntoit, ha kaba ki la ïoh kurup bun une u drok methamphetamine.
Na ka liang jong ka DRI, ki heh nongtrei ki la ïoh kem saw tylli ki trok na ki katto katne ki jaka ha Assam bad Tripura ha ka 15/Nailur/2026, ha kaba la suba ba la thmu ban kit ïa une u drok methamphetamine uba bun bha.
Ha ka 15/Nailur/26, ha ka jingleit khynra kaba nyngkong, kawei na ki trok ba la suba, la tip ba la phah sha Ramnathpur, Assam, ba jngai kumba 100 km na Silchar, ryngkat bad ka jingïarap jong ka 38 Battalion, Assam Rifles. Hadien katei, ka jingsuba ba ar ka long ba ka trok kaba la kit ïa ujuh u drok, la lap najan katei ka jaka. Hynrei hapoh katei ka kali ym don nongñiah lane u handyman.
Katba ha ka trok ba nyngkong, la ïoh kurup haduh 275 tylli ki paket kiba khia 55 kg baroh, kiba don ïa ki dawai ba lam rong pink bad rong soh, kiba la buhrieh halor ka tnum jong ka jaka ba shong u nongñiah.
Hynrei la bynrap ba ha katei ka trok ba ar kaba don kine ki 271 tylli ki paket drok, ki don kijuh ki rong kum kine ki song dawai, ba khia 54.2 kg kiba la buhrieh ha kajuh ka jaka. La kheiñ lang baroh ka jingkhia ka long 109.2 kg une u song dawai methamphetamine, ha kaba la lap bad kem ar tylli ki kali kiba hap hapoh ka jingpeit jong ka NDPS Act bad la kem noh ïa uwei.
Kumta, kum shi bynta jong kane kajuh ka jingkhynra, sa kawei pat ka kali ba kit dewbilat, la lap ba ka la ïaid na Khowai sha Agartala bad shah bat noh ha Teliamura, kaba jngai kumba 45 km na Agartala, ryngkat bad ka jingïarap jong ka 28 Battalion, Assam Rifles.
La ïoh kurup haduh 295 ki plastik paket kiba don ïa ki song dawai ba khia 72.6 kg ba rong pink bad rong soh kiba suba ba dei u drok methamphetamine, kiba la buhrieh halor ka sad jong ka jaka u nongñiah kane ka trok bad la bat noh ïa kane ka kali bad kem ïa u nongñiah.
Haba bud ïa kane ka jingtohkit, la lap ha ka por ba khynra bad la shimkhia hangto da ki nongtrei jong ka DRI kiba la lap ïa kawei ka trok kaba dei ujuh u trai ka don hajan Panisagar, Tripura. Haba la khynra ïa kane ka trok, la lap haduh 50 kg ki song dawai methamphetamine, kumjuh ruh kiba ka buhrieh hapoh kane ka kali bad la bat noh ïa kane ka kali bad kem noh ïa u nongñiah.
Ka jingïatreilang jong ka kynhun DRI ka la pynlong ban lap ïa ki song jong u drok methamphetamine ba khia haduh 231.8 kg bad la kem lai ngut. Baroh saw tylli ki trok kiba ju kit ïa une u drok, la dep bat noh.
Ha u bnai ba la dep mynta u snem, ka kynhun DRI ha ka jingleit khynra jong ka, ka la ïoh kurup ïa u drok methamphetamine najan Silchar bad Mizoram ba khia haduh 76 kilo, kiba la buhrieh ha kine ki kali ha ki jaka bapher bapher.