Ka CM-YEP 2026 ka rynsan ban kyntiew ïa ki sap jong ki samla da ki jingiakop bapher bapher

Khliehriat, Nailur 13: Ka ophis jong ka District Sports Officer (DSO), East Jaiñtia Hills District ha ryngkat ka jingiatreilang bad ka ophis jong u Block Development Officer, Wapung C&RD Block, myn ha ka 11 tarik mynta u bnai ka la pynlong ïa ka Second Block Level Chief Minister’s Youth Engagement Programme (CM-YEP) 2026 ha Dkhiah West Community Hall, East Jaiñtia Hills District ha kaba la wan ban iashimbynta da ki khynnah skul bad ki samla kiba na ki shnong kiba hap hapoh ka Wapung C&RD Block.
Kane ka Second Block Level Chief Minister’s Youth Engagement Programme (CM-YEP) 2026, ka don ka phang pdeng kaba ïadei bad ki samla ka “Young Meghalaya, Shaping Tomorrow” bad kane ka prokram ka don ka jingthmu ban wanrah ïa ki samla kiba don ki sap ki phong ba kin kiew ha rynsan ban pynpaw ïa ki sap ba ki don bad kane ka dei ruh kawei na ki rynsam ka ban kyntiew ruh ïa ki sap ki phong, ka long ruh kum ka lad ha kaba ki samla ki ioh ban ïashimbynta ha ki bynta bapher bapher, ban kyntiew ïa kano kano ka kynhun, ban pynioh ïa ka jingsngew skhem bad ruh ban kyntiew ïa ka jinglong nongïalam lada ki don ka sap ne ka jingangnud ban long ki nongialam.
Ha ka prokram ba la pynlong ar sngi lynter la ioh ban pynlong ïa ki prokram bapher bapher ba kynthup ka One Act Play, kaba tem Guitar (Solo), kaba kren ha rynsan paidbah lane ka Declamation, ka Quiz, ka jingiatan tyllai lane ka Tug of War, ka jingiakop ai rong lane Painting, ka jingshad tynrai, ka jingrwai tynrai, ka Science Mela, ka jingiakop thoh Poetry, ka jingiakaop thoh jingiathuhkhana bad kiwei kiwei ki sap ba kyrpang ba ki don la pyni ha rynsan.
Hadien ka prokram la ioh ïa ka jingsam ïa ki prize sha kito kiba jop ha ki jingiakop bapher bapher, ha kaba ha ka jingiakop put besili lane ka Flute Competition, ïa ka nam lahduh ha ka kyrdan ba nyngkong la rah da u samla Robito Sanghiang uba pule ha Don Bosco College, u samla Pynishuhmi Sympli ba pule ha Khliehriat Presbyterian Higher Secondary School u la long ba ar.
Ha ka jingiakop rwai tynrai, ka kynhun ba tip kum ka Snap Creative Society ka la wan ba nyngkong bud pat sa ka kynhun kaba na Ephatha Society kaba wan ba ar bad ka Sutnga Presbyterian HSS ka wan ba lai.
Ha ka jingshad tynrai, ka kynhun kaba na Ephatha Society ka la rah ïa ka nam lahduh ha kakyrdan ba nyngkong, ka Snap Creative Society ka long ba ar bad ka Khliehriat Presbyterian HSS ka long ba lai.
Ha ka jingiakop tan tyllai lane Tug-of-War competition, kaba na ka liang ki shynrang, ka Wapung Higher Secondary School ka la long ba nyngkong bud pat sa ka Khliehriat Presbyterian Higher Secondary School kaba long ba ar bad ka Don Bosco College ka long ba lai. Na ka liang ki kynthei pat ka Sutnga Presbyterian Higher Secondary School, ka la long ba nyngkong bud pat sa ka Ephatha Society kaba long ba ar ba ka Khliehriat Presbyterian Higher Secondary School ka long ba lai.
Shuh shuh ha ka Talent Show (Solo) category, u Christopher Chyrmang u ba pule ha Sutnga Presbyterian Higher Secondary School u la rah ïa ka nam lahduh ha ka kyrdan ba nyngkong bud pat sa u Rimiki Thoo uba na ka shnong Rymbai uba long ba ar bad u Aishwarya Sympli uba pule ha Khliehriat Presbyterian Higher Secondary u long ba lai.
Ha ka Talent Show (Group) category, ba mihkhmat da ka kynhun, ka Ephatha Society ka la ioh ba nyngkong bud sa ka Jaiñtia Eastern College kaba la ioh ba ar bad ka Khliehriat Presbyterian Higher Secondary School ka long ba lai.
Ha ka Quiz Competition, ka Little Star Secondary School ka la ioh ïa ka nam lahduh, ka Jaiñtia Eastern College ka la wan ba ar bad ka Don Bosco College ka la long ba lai.
Haka jingiakop thoh Poetry, u samla Aidrestar Mylliemngap ba pule ha Don Bosco College u la ioh rah ha ka kyrdan ba nyngkong, u Shaniahbah Shylla na Jaiñtia Eastern College u la long ba ar bad ka samla Sofia Dkhar na Little Star Secondary School ka la long ba lai.
Ha ka jingiakop thoh jingiathuhkhana, u samla Robito Sangriang ba pule ha Don Bosco College u la long ba nyngkong, ka samla Habidahun Shylla na Jaiñtia Eastern Collegeka la long ba ar bad ka samla Darikada-I Rymbai na Step by Step School ka la long ba lai.
Ha ka jingiakop kren paidbah lane ka Declamation Competition, u Pynhun Langia-I Syih na Jaiñtia Eastern College u la long ba nyngkong bud pat sa ka Sakanipaya Siangshai na Khliehriat Higher Secondary kaba long ba ar bad ka Yowanka Chyrmang na Khliehriat Presbyterian Higher Secondary School ka la long ba lai.
Ha ka Science Mela, ka skul Little Star Secondary School ka la long ba nyngkong bud sa ka Khliehriat Higher Secondary School kaba la long ba ar bad ka Ephatha Society ka la long ba lai.
Ha ka jingiakop ai rong lane ka Painting Competition, ka Melisha Nongtdu kaba na Little Star Secondary School ka la long ba nyngkong bud pat sa u Varun Routh Bamon ba na Don Bosco College uba la long ba ar bad u Pynshngain Shadap na Khliehriat Presbyterian Higher Secondary School u la long ba lai.
Ha ka jingiakop tem Guitar, u Riyanki Lyngdoh ba na Little Star Secondary Schoolu la long ba nyngkong, u Robito Sangriang uba na Don Bosco College u la long ba ar.
Ha ka One Act Play, ka Jaintia Eastern College ka la long ba nyngkong bud pat sa ka Khliehriat Presbyterian Higher Secondary School kaba la long ba ar.
Ia kiba jop ha ki jingiakop bapher bapher ba mihkhmat tang shimet la ai prize ïa ki da ka pisa ha kaba kiba wan ba nyngkong ki ioh T3000 hajar tyngka, kiba wan ba ar ki ioh T2000 hajar tyngka bad kiba wan ba lai ki ioh T1000 hajar tyngka bad kiba jop ha ki jingiakaop ba ha ki kynhun, ia kiba wan ba nyngkong la ai T5000 hajar tyngka, kiba wan ba ar ki ioh T 3,000 bad kiba long ba lai ki ioh T2000 hajar tyngka.
Kiba la ïa don lang ha kane k prokram ki kynthup ka District Sports Officer (DSO), East Jaiñtia Hills District, ka kong S M Rapsang,u waheh shnong Dkhiah West , u bah G. Swer, ki nonghikai, ki khynnah skul lem bad ki nongshong shnong.
Ïa kaba kum kane ka prokram jong ka Second Block Level Chief Minister’s Youth Engagement Programme (CM-YEP) 2026, yn pynlong ruh ha Latyrke ha ka 22 tarik bad 23 tarik mynta u bnai nailur 2026.