Jowai, Nailur 13: Ka jingïalehkai Badminton kaba la tip kum ka 2nd Open to All Veteran Badminton Tournament, 2026 ïa kaba la pynïaid da ka West Jaiñtia District Badminton Association (WJDBA), kala poi noh sha kaba kut ha kane ka sngi saitjaiñ jong 12 tarik mynta u bnai September, ha kaba u myntri ka tnat sports jong ka jylla u ma Wailadmi shylla u la wan ban pynhap pyrda ïa kane ka lympung ïalehkai Badintomn. Ïa kane ka jingïalehkai Badminton la pynlong ha Seinraij Indoor Hall, Tpep Pale Jowai, ka la sdang naduh ka 11 u bnai Nailur.
Ha kane ka jingïakhun, ha ka kyrdan Men’s Double 75+ la ïoh ban rah da u Ready Sutnga bad u Ranjan Baragohain da kaba kila lah ban pynliem ïa u Deva Lalung Bordoloi bad u Deepak Thapa. Ha ka kyrdan Men’s Double 85+ la jop da u Rimilan Passah bad u Dauru Laloo da kaba ki pynliem ïa u Dr Peterson Lamare bad u Kyrmenshisha Shylla. Ha ka jingïakhun Men’s Double 95+ u Abhijit Bhuyan bad u Goldenstar Kharbuli ki la lah ban pynliem ïa u Marbiangki Bareh bad u Rimilan Passah. Ha ka jingïakhun jong ka kyrdan Men’s Double 105+ pat u Bastab Neog bad u Bijoy Barma ki la lah ban pynliem ïa u Abhijit Bhuyan bad u Godenstar Kharbuli. Katba ha ka Mixe Double pat u Goldenstar Kharbuli bad ka Pretty Singh ki la lah ban pynliem ïa u Ram Najiar bad ka Dorothy Christie Challam.
Ïa ki khusnam ha kane ka sngi la sam da u kongsan ma Wailadmiki Shylla ha ka jingïadonlang u ma D Pyrbot President WJDBA, ma R Passah General Secretary WJDBA, ma Patrick Lamare Chairman Tournament Committee, ma Sunday Tariang, ma S.K Lato bad kiwei de ki dkhot ka WJDBA ryngkat ki riew rangbah bad kiba la shah khot sngewbha sha kane ka lympung jingïalehkai Badminton.
