EJHDFA: Rung phainal ka SWO Moosianglamare Old SC haka 2nd, ka Rymbai Pohskur SC ha ka 3rd Division

Jowai, Nailur 11: Ka SWO Moosianglamare Old SC bad ka Rymbai Pohskur SC ki la pynthikna ïa ka jaka ha ka phainal jong ka lympung phutbol Second bad Third Division 2026 jong ka East Jaiñtia Hills District Football Association (EJHDFA), da kaba jop ïa la ki jong ki jingïakhun semi final hynne ka sngi Thohdieng (11 tarik u Nailur, 2026) ha madan Artificial Ground Diengshynrum, Khliehriat.
Nyngkong ha ka semi final jong ka Second Division, ka SWO Moosianglamare Old SC kala pynliem da ka said da 1-0 ïaka Moolamanoh SC. ïa katei ka kol naka SWO Moosianglamare Old la thep da u Deilang Syrti haka minit ba 80+9 jong ka (Extra Time).
Katba ka Semi Final jong ka Third Division, ka Rymbai Pohskur SC kala jop da 3-1 kol ïaka Borghat SCSC. Ka Rymbai Pohskur SC ka la lamkhmat na ka kol jong u Sanhame Bareh (22’) shuwa ba ka Borghat SCSC kan pynïakhaid lyngba u Laxmon Kympad (80+3’) ha ki minit ba khatduh ban pynjlan ïa ka jingïakhun sha ka extra time. Hynrei u Dakner Dkhar (88 & 95’) u la pynskhem ïa ka jingjop jong ka Rymbai Pohskur da kaba pynkhihjar ar sien ha ka por pynjlan.
Da kane ka jingjop, baroh ar kin ïoh ban aireng na ka bynta ka nam lahduh ha la ki jong ki kyrdan, ha kaba ka SWO Moosianglamare Old SC kan ïoh ïa ka lad ban ïaknieh nam lahduh haka 2nd, katba ka Rymbai Pohskur SC ha ka 3rd Division.