Shillong, Nailur 11: Ka Meghalaya Football Association (MFA) hynne ka sngi Thohdieng (11 tarik Nailur, 2026) ka la pynbna ïa ka thup kyrteng jong ki 20-ngut ki nongïalehkai ki ban shim bynta ha ka Dr Talimeren Ao National Football Championship na ka bynta ka Junior Girls (Tier 2) 2026-27.
Shuwa ba ka kynhun kan mih ban leit aireng la ïoh ban pynlong ïa ka jingïalang kitbok kitrwiang kaba lyngkot ha MFA ground hynne ka sngi, ha ka jingïadon lang ki dkhot ba rangbah jong ka MFA, ba la ïalam da u Vice-President bah Cliff Nongrum.
ïa ka kynhun yn ïalam da i Haphi Kharkongor bad kin ïakhun ïa ki jingialehkai jong ki ha Narainpur, Chhattisgarh, kaban long ka jaka ban pynlong ïa baroh ki jingïalehkai jong ka Tier 2.
Ka Meghalaya ka la shah kynthup ha ka Group C ryngkat ka Jammu and Kashmir, Punjab bad ka Nagaland. Ka jingïalehkai ba nyngkong kan long pyrshah ïa ka J&K ha ka 18 tarik Nailur.
Ka Tier 2 ka don 18 tylli ki kynhun ba la phiah ha ki ar tylli ki Group ba don san tylli ki team bad ar tylli ki Group ba don saw tylli ki team. Ki kynhun kiba wan ha khlieh duh ha la ki jong ki Group kin rung sha ka semifinal bad ki ar tylli kiba poi sha ka phainal kin shah kyntiew kyrdan sha ka Tier 1 ha ka samoi ban wan.
Ka thup kyrteng jong ka kynhun Meghalaya: Dawansaphi Snaitang, Ripaia Phawa, Paleimon L Lyngkhoi, Daficare Lyngkhoi, Nishalin Nongrum, Venecle Kharmusulman, Vanessa Phiba Mawthoh, Bandabetshisha Nongrum, Saralang Lapang, Peacefully Pohplet, Deiphiwansara Lyngkhoi, Jenisha Rani, Marbahun Syiemlieh, Jesica Thongni, Queenilia Kharnaior, Laiahunlang Nongrang, Bansara Rynshiang, Saphidabet Kharmalki, Linsa Manbha Kharpran, Bakhamkor Mawlong
Support staff: Haphi Kharkongor (head coach), Mickyson Rani (assistant coach), Loyalty L Phanrang (manager), Monaliza Don (physio).
