Tesar Marweiñ, Umyiap Presbyterian Church
Nongstoiñ, Nalur 06: Ka taiew ba kyrpang jong baroh ki samla jong baroh ki balang Presbyterian kiba hap hapoh ka jingpeit jong ka Khasi Jaiñtria Presbyterian Assembly kaba la sdang naduh ka janmiet lah sngi u Blei ka 27 tarik Nailar la pynkut noh ha kane ka sngi u Blei ka 6 tarik Nailur.
Haba phai sha ka phang pdeng ba ka KJP Asembly ka la buh kaba ong “To sumar ïoh phi long ka sharak ba la tap” ba ki Jingïaseng samla jong baroh ki balang ha ki lai tylli ki Synod kata ka KJP Synod Sepngi, KJP Synod Mihngi bad KJP Synod pdeng ka dei ka phang kaba biang por bha haba ngi phai kat kum ka jinglong jingman ha kine ki sngi.
Nalor kata ka jingrakhe ïa kane ka taïew ba kyrpang jong ki samla kaba la tip kum ka Youth Week kaba la ju pynkut ruh ha ka sngi u Blei ka Youth Sunday ka dei kawei na ki bynta kiba kongsan tam na ka bynta ki samla namar ha ki sngi pohïa ki la ïoh lad ban pyndep ïa ki prokram bapher bapher ba ki pyndep ha ka por mynsngi bad ki jingïaseng ba ka por janmiet kiba kynthup ïa ki jingïaseng ïalap, ki jingïaseng khawai jingrwai bad ki jingïaseng ba ki pynlong ïa ki prokram ba bun jait.
Haba ngi phai sha ka phang pdeng ba ka KJP Assembly ka la buh kaba la seng nognrim na ki lai tylli ki bynta kiba don ha ka Bible kata ha ka Gospel u Mathaïos Lynnong 5 dkhot 14 haduh 16 kiba ong kumne 14 Phi phi long ka jingshai ka pyrthei: Ym lah ban buhrieh ïa ka shnong ïa kaba la buh halor u lum. 15 Lymne kim ju thang ïa ka sharak bad buh hapoh ka shang, hynrei ha ka dieng pynïeng sharak, te kan pynshai ïa baroh kiba don ha ka ïng. 16 To pynshai kumta ïa ka jingshai jong phi ha khmat ki briew, ba kin ïohi ïa ki jingleh ba ha jong phi bad ïoh ïaroh ruh ïa u kpa jong phi uba ha ki bneng.
Ha kaba ïadei bad kane kajuh ka phang ngin lap ruh lada ngin pule na ka Gospel u Markor na ka lynnong 4 dkhot 21 bad kumjuh ruh na ka Gospel u Loukas na ka lynnong kaba 8 dkhot 16.Haba ngi pynshong nongrim bha ki bynta kiba la thoh ha ki lai tylli ki dkhot ha ka Gopspel u Mathaïos wat la ka ki kyntiem samla khristan ym shym la kdew ruh ka don ïa ki jingmut kiba shai kdar kat ka sngi namar napdeng ki samla ha shityllup ka pyrthei dei tang ki samla Khristan kiba don ïa ka Bible .
Ym lah ban len ba ki lah ban don ki samla kiba dei na kiwei pat ki jait niam khamtam eh ki samla Muslim kiba don ïa kakata ka jingsarong niam ha kaba ki im sngi ban pule ïa ka Bilble kaba ngi kum ki Khristan ngi ngeit skhem ba ïa ka Bible la thoh da ki Nongthoh kiba la pyrsad mynsiem da u Blei hynrei ki samla Muslim pat ki pule ïa ka Bible na ka bynta ban ïa nujor ïa ki jingthoh kiba don ha ka kot bakhuid jong ki ka Quran kaba ki ngeit ba la thoh da u Muhamad uba la ïoh ïa ka bor ha ka por ba u Angel Gabriel u8 wan paw bad uba ki ngeit ruh ba u dei u Nongïathuh lypa jong ki Islam.
Haba phai sha ka jingpynkut ïa ka Youth Week ha kane ka sngi u Blei ka 6 tarik ngim lah ban len ba baroh ki Nongïathuhkhana ha ki jingïaseng samla baroh kiba don hapoh ka KJP Asembly ki la kren tang ïa kajuh ka phang wat la ki nongrim ba ki la seng ki lah ban long ba ki la sot na ki Kitab, ki Gospel bad ki Shithi ba ki Appostol ki thoh sha ki Balang kumba ngi shem ha ka Bible kata naduh ka shithi jong u Appostol Paul sha ki Nong Rom haduh ka shithi sha ki Hebru.
Ngi lah ban ong ruh ba ki jingïathuhkhana ha kane ka sngi u Blei ba kyrpang jong ki samla la kaba la kren da ki Pastor, ki Tymmenbadsan, ki dkhot Committee Balang, ki Mission Worker ne kino kino ki nongtrei ba ha khmat jong ki balang ki long ki jingkyrkhu kiba khraw khmatam ïa ki samla kiba dang khie dang san lada ki pdiang ïa kaeri kaba ki nongkren ki la kren ha ki balang naduh ki jingïaseng ba nyngkong, ba ar haduh ka jingïaseng miet.
Haba ngi phai kat kum ka jingïaid ka por bad ka jingkiew sted jong ka jignstad saïan & technology ha kine ki sngi ngim lah ban len ba lyngba ka phang kaba ong “To sumar ïoh ba phi long ka sharak ba la tap” ka dei ka jingmaham kaba khraw ïa ki samla Khristan ha kine ki sngi namar kumba la ju ïohsngew na ka por sha ka por ba kadon ka ktien kaba ong “Ki samla ki long ka lawei ba phyrnai jong ka ïng ki long ïnhg long sem, ki shnong ki thaw, ki balang ka ri bad ka jaitbynriew”.
Kumta lyngba ka phang pdeng jong kane Youth Week haduh ka Youth Sunday 2026 ngi don ka jingkyrmen ba ki samla Khristan jong ka rilum Khasi bad Jaiñtia kin long ka sharak ba la buh ha ka dieng pynïeng sharak bad kin pynshai ïa ki samla ha ka ri bad ka pyrthei baroh kawei.