Paw kyrteng u Valverde, Araujo & Nunez ha ka thup ba nyngkong jong u Forlán

Uruguay, Nailur 05: U coach jong ka Uruguay, u Diego Forlán, u la jied ïa ka thup kynhun ba nyngkong, kaba don 46 ngut ki nongïalehkai, na ka bynta ki jingïalehkai paralok ban long ha u bnai Nailur bad Risaw, kynthup ïa ka jingïakhun pyrshah ïa ka India, ha ka 06 tarik u Risaw.
U Forlán, uba la ïalehkai 112 sien na ka bynta ka Uruguay hapdeng u snem 2002 bad 2014, ha kaba u la thep 36 kol, u la shimti ïa ka kam kum u coach jong ka Uruguay hadien ba ka jingiehnoh kam jong u Marcelo Bielsa tang hadien ba ka kynhun ka la khyllem noh ha ka group stage jong ka FIFA World Cup 2026.
Ka kynhun jong u kan ïakhun pyrshah ïa ka Japan, South Korea bad ka India ha ka jingïalehkai paralok jong ka FIFA (FIFA international window) jong u bnai Nailur, ha kaba ka kynhun kan leit sha kawei pa kawei na kine ki lai tylli ki ri na ka bynta kine ki jingïalehkai. Ka jingïakhun pyrshah ïa ka India kan long ruh ka dak jong ka jingwanphai biang jong u Forlán sha India hadien shiphew snem. U la ïalehkai shipor na ka bynta ka Mumbai City FC ha ka Indian Super League ha u snem 2016.
Ka jingïalehkai ba nyngkong jong ka Uruguay kan long pyrshah ïa ka Japan ha ka 24 tarik Nailur ha Rifu, nangta ïa ka South Korea (28 tarik Nailur) ha Seoul, bad khatduh ïa ka India (06 tarik Risaw) ha Kolkata.
Kane ka thup ba nyngkong ka don 21 ngut ki nongïalehkai na ka kynhun kaba don 26 ngut kiba ïalehkai ha ka World Cup dang shen, kynthup ïa ki nongïalehkai kum u Federico Valverde, u Darwin Núñez bad u Ronald Araujo. U Nahitan Nández bad u rangïalehkai pdeng barim jong ka Arsenal, u Lucas Torreira, kin wanphai biang sha ka kynhun, katba u Alexander Barboza ruh u la shah khot.

Ka thup kynhun ba nyngkong jong ka Uruguay ki long:
Rangap-kol: Santiago Mele, Cristopher Fiermarín, Ignacio de Arruabarrena, Sebastián Jaume, Thiago Cardozo.
Rangap-dien: Kevin Amaro, José Luis Rodríguez, Guillermo Varela, Nahitan Nández, Santiago Mouriño, Nicolás Marichal, Ronald Araújo, Alexander Barboza, José María Giménez, Juan Rodríguez, Sebastián Boselli, Santiago Bueno, Sebastián Cáceres, Mathías Olivera, Joaquín Piquerez, Lucas Olaza, Marcelo Saracchi, Juan Manuel Sanabria.
Rangïalehkai pdeng Madan: Emiliano Martínez, Lucas Torreira, Rodrigo Bentancur, Facundo Bernal, Santiago Homenchenko, Federico Valverde, Agustín Canobbio, Matías Abaldo, Facundo Pellistri, Luciano Rodríguez, Maximiliano Araújo, Lucas Villalba, Brian Rodríguez, Rodrigo Zalazar, Diego Rossi, Giorgian de Arrascaeta.
Rangïalehkai ba shakhmat: Martín Satriano, Agustín A. Martínez, Rodrigo Aguirre, Federico Viñas, Miguel Merentiel, Darwin Núñez, Álvaro Rodríguez.