Nongpoh, Nailar 28: Ka Umsning Block Headman Forum, kaba kynthup lang ïa ki Rangbah Shnong jong ki shnong kiba hap hapoh ka Umsning Block, mynta ka sngi ka la leit ban jurip ïa ka Umsning CHC bad jingïakynduh ruh ïa u Doctor In-Charge ban jingïakren halor ki jingduna bad ki jingeh kiba paidbah ki jingïakynduh ha ka jingïoh jingsumar bad ka jingshakri jong katei ka CHC.
Ïa ka jingïaleit jurip la jingïalam da u President ka Forum, u Bah Frankie Nongrum, uba dei ruh u Rangbah Shnong ka Umsaitsning Lad Mawrong, ryngkat u Adviser, u Bah Marchal Nongshli, uba dei u Rangbah Shnong ka Nongthymmai, bad kiwei pat ki dkhot.
Ka Forum ka la pynpaw ïa ka jingsngewkhia halor ka jingbym don jaka thiah pang na bynta ki shynrang (Male Ward) la palat 10 snem. Ka Forum ka la kyntu ruh ïa ki bor ba dei peit ban pynsted ban pyndap ïa ki kam kiba thylli, khamtam ki postTechnician, namar ka jingduna nongtrei ka la ktah ïa ka rukom treikam jong ka CHC.
Nalor kata, ka Forum ka la kyntu ban pynsted ïa ka jingpynurlong ïa ka jingïaid kali da ka rukom one-way, khnang ban pynsuk ïaka ïaid ka ïeng, khamtam ïa ki kali Ambulance kiba kit ïa ki nongpang bad haka juh ka por kala kyntu ruh ïaka tnad PWD ba kan pynbha ïaki nala um namar ka jingbym biang ki nala kaala pynjulor ïa ka surok ha katei ka jaka.
