Manla ki jingïakhih ngi tip ban shah kem hynrei ngim randien ban ïakhun ïa ki mat jingdawa

Shillong, Nailar 26: U President barim jong ka Khasi Student Union (KSU) u Bah Lambokstar Marngar ha ka jingïa kynduh bad ka Sorkar kim shym la dawa satia ban pyllait noh ïa ki lai ngut ki nongialam kiba shah dang shen.
Haba kren sha ki lad pathai khubor u Bah Lambok u la ong ka seng naduh ki snem ba kham mynshwa haba mih kino kino ki jingïakhih lada shah kem ki nongïalam ka CEC ne ki unit ngim ju buh jingdawa hynrei ngi ïakhun beit ïa ki mat jingdawa, ka shong ha ka sorkar bad ngi ieh ha ka jingstad ja sorkar.
“Ngi sngewthuh hi ha man ki jingïakhih kan don beit ka jingshah kem, hynrei tang kawei lada ki kem makna ruh ki kem halor kano ka nongrim bad ngi ïakhih halor ki nongrim na ka bynta ka jingbit jingbiang ka jaitbynriew,” u la ong.
Halor ka jingong jong ka seng ba lada ym sei soh ka jingïa kren kam sei soh kan pynjur ïa ka jingiakhih, u Bah Lambok u la ong jan baroh ki mat jingdawa jong ka Union jan baroh kila urlong bad la poi sh aka thong.
Ngim ong ba ngi lah pyndam ki jingiakhih hynrei la weng shwa shipor ïa ki jingiakhih bad ngin dang peit bniah ïa ki bynta ba dang soh kyrdot bad ngi dang hap ban pynbha bad pynjanai shuh shuh ïa ki mat jingdawa ba la buh ha khmat jong ka sorkar.