Da ki jingïalang bad jingnohsyniang rakhe ka Star Cement Lumshnong ïa ka 80th Independence Day

By Mawphor Editor On Aug 22, 2026

Khliehriat Nailar 21: Kum shibynta ka jingrakhe ïa ka sngi laitluid ka ri India lane ka Independence Day, ka tnat CSR jong ka company Star Cement Lumshnong ka la pynlong da ki prokram bapher bapher lem bad ki jingnoh syniang ban kyntiew ïa ka thaiñ Narpuh, ïa ki prokram la sdang naduh ka 14 tarik bad pynkut ha ka 15 tarik kaba dei ka sngi rakhe ïa ka Independence Day kaba 80.
La sdang ïa ka prokram ha ka 14 tarik da ka jingialehkai football Friendly match bad la pynlong ha ka madan football ha Lumshnong, ha kaba ïa kane ka madan kaba heh bad ba ïar kaba don ka jingheh kaba 115 miter la lynter bad 77miter ka pyngkiang ba la siang da ki artificial turf bad ker itynnad da ki jingker la shna lyngba ka tnat CSR jong ka Star Cement, ha kane ka sngi la ïa shimbynta ïa ka football friendly match da ki nongtrei jong ka Star Cement, ki dkhot jong ka Village Defence Party (VDP) Lumshnong, ki dkhot ka Dorbar Shnong Lumshnong bad ki pulit jong ka Lumshnong Police Station bad kum ka dak ka jingrakhe, ka tnat CSR la ka sam ïa ki tiar ialehkai sports, ki juti boot football, ki jersy, ki muja sha ki kynhun ba iashimbynta ha ka Football Friendly Match.
U Manager jong ka tnat CSR jong ka Star Cement, u Kingshok.K.Borah, u la ong ba kane ka jingialehkai Friendly Match ka long kum shibynta ban pyni ïa ka ïa don bynta lang ki nongtrei ka company Star Cement bad ka imlang ka sahlang ha ka thaiñ.
Ha ka 14 tarik ka CSR jong Star Cement ka la leit buh ïa ia ka bor ding kaba ki ong ka Installation of Flood Lights ha madan football shnong ha shnong Brishrynot bad ha kane ka sngi la iashimbynta lang kum ka jingiatreilang bad ki samla jong ka shnong Brishrynot.
Ha ka 15 tarik pat kaba dei ka sngi rakhe ïa ka sngi laitluid ka 80th Independence Day, ka Brishrynot Village Sports Club ha ryngkat ka jingiatreilang bad ka CSR jong ka Star Cement ka la pynlong ïa ka jingialehkai football tournament kaba tang shi sngi, ha kaba la ïa wan ban iashimbynta da ki 22 tylli ki kynhun ne ki team ialehkai football kiba napoh ka Elaka Narpuh bad ka CSR ka la sakhi ïa ka jingiashimbynta shitrhem jong ki paidbah nongshong shnong ka thaiñ bad ka jing buh ïa ki bor ding flood lights kan iarap shuh shuh ïa kito kiba kwah ban ialehkai football ha ka por janmiet bad ong ruh ba kane kan iarap ha ka ban kyntiew ïa ka kam ialehkai sport.
Shuh shuh ha ka sngi jong ka 15 tarik, ka tnat CSR ka la aiti ruh ïa kawei ka kali Electric Vehicle sha ka Dorbar Shnong, Lumshnong bad kane ka kali ka dei ka kali ban kit ïa ki ñiut bad kan iarap ha kaban kyntiew shuh shuh ïa ka khuid ka suba ha shnong ha thaw, ïa kane ka kali la aiti sha ka dorbar shnong Lumshnong da u Chief Project Officer, jong ka Star Cement, u Sunil Kumar Gupta, ba la ïa don ryngkat lang ruh u Chief Human Resource Officer, Star Cement, u Samar Banerjee, u Unit Head, Lumshnong Unit, u Shri Lokesh Bahety bad u Management Representative, Star Cement, Lumshnong, u Devender Kumar Bansal bad la shimti ïa kane ka kali kit ñiut da u Assistant Rangbah Shnong Lumshnong, u bah Marki Rymbai bad u Secretary Lumshnong, u bah Markiroy Pdang, kane ka jingai ïa ka kali kit ñiut ka long ban kyntiew shuh shuh ïa ka khuid ka suba lane ka Waste Management ha shnong Lumshnong.
Ha kaba ïadei bad ka bynta ha ka pule puthi, myn ha ka 15 tarik mynta u bnai nailar ka tnat CSR ka la pynkup burom bad theh jingiarap da ka pisa kaba mar T.50,000 (sanphew hajar tyngka) sha ki 39 ngut ki samla pule kiba na shnong Lumshnong bad na shnong Brishyrnot kiba la pass bha ia ka Class X bad Class XII Board Examinations in 2026, kane ka jingtheh jingiarap ka long shibynta ban kyntiew ïa ka pule puthi bad ban pynshlur ïa ki samla pule ban pule shuh shuh sha ki kyrdan kiba shalor, ha kane ka sngi la ïa don ryngkat lang ki dkhot shnong, ki nongshong shnong bad ki khynnah skul bad la sam ïa ki cheque pisa da ki heh jong ka company Star Cement ba kynthup u Chief Project Officer, Star Cement, u Sunil Kumar Gupta, Chief Human Resource Officer, Star Cement, u Samar Banerjee, u Unit Head, Lumshnong Unit, u Lokesh Bahety bad u Management Representative, Star Cement, Lumshnong, u Devender Kumar Bansal.
La ong ba da ka jingïashimbynta lang ki khun samla, ki longkmie, longkpa, ki khynnah skul bad ki dkhot dorbar shnong ka tnat CSR ka la lah ban pynlong ïa ki prokram kiba jop ha ki bynta bapher bapher ban kyntiew ïa ka kam ïalehkai sports, ka pule puthi bad kyntiew ïa ka khuid ka suba.