Bthah u DC ïa ki paidbah ban nym ïaid lyngba ka surokbah na Jorabat, hynrei ban shim da kiwei ki lynti

Nongpoh, Nailar 21: Namar ka jinglong jingman haka jylla, kaba mih na ka jingïakhih ka KSU dang shen, bad ka jingkhanglad ïa u surok baroh ar liang ha Jorabat, u Deputy Commissioner ka Ri-Bhoi District u Dr. Abhishek Saini u la bthah ïa baroh ki paidbah kiba leit sumar, kiba leit sha kad liengsuiñ bad kiwei kiwei ki kam ba kyrkieh ba kin kiar ban leit lyngba ka surok na Jorabat hynrei ban shim da kiwei ki lynti. La bthah ïaki nongleit nongwan na Shillong, Nongpoh, Byrnihat kiba leit kad liengsuiñ bad railway station ha Guwahati, ba kin leit lyngba ka surok Byrnihat-Pilingkata-Killing lane na Nongpoh-Patharkhmah ban mih sha Rani katba ïa kiba wanphai pat ba kin wan lyngba ka Basistha-Pilingkata-Killing lane lyngba ka Rani-Patharkhmah ban mih sha Mairang ne Nongpoh.