Kiba ïoh jingïarap lyngba ka NFSA ki dei ban pyndep ïa ka e-KYC

Mawkyrwat, Nailar 19 : U Additional Deputy Commissioner (Supply) jong ka South West Khasi Hills District, Mawkyrwat, u la pyntip sha baroh ki nongïoh jingïarap hapoh ka National Food Security Act (NFSA), 2013, khamtam ïa kito kiba hap hapoh ka Antyodaya Anna Yojana (AAY) bad Priority Household (PHH), kiba dang sah ban pyndep ïa ka e-KYC, khlem da pynslem.
Lah ban kdew ba kane ka jingpynbna ka long katkum ki jingbthah jong ka Sorkar lyngba ka shithi No. DSCA/04/TMD/2025/237 kaba tarik 5 tarik ‘Nailar, 2026.
Namarkata, la kyntu ïa baroh ki nongïoh jingïarap kiba don bynta, ba kin leit sha ka Fair Price Shop (FPS) kaba jan tam ne kino kino ki jaka ba ki don ka lad ban pyndep ïa ka e-KYC, ryngkat bad ki kot ki sla kiba donkam, bad ban pyndep ïa ka Aadhaar authentication ha ka por kaba biang, ne shuwa ka 31 tarik ‘Nailar, 2026.
La kyntu jur ruh ïa ki nongïoh jingïarap ba kin pyndep ïa ka e-KYC hapoh ka por ba la buh, khnang ban pynthikna ba ym don mano mano na ki nongïoh jingïarap kiba dei hok ba kin shah kyntait na ka jingïoh ïa ki jingïarap bad ki jingmyntoi kiba la pynkup hapoh ka NFSA, 2013.