Ïohpdiang ka tnad ïa ka kaiphod halor ka jingdawa ka MEMRIWU, shen yn kynduh ïa ki nongtrei

Shillong, Nailar 12 : U Myntri ka tnat ka koit ka khiah u Bah Wailadmiki Shylla ha ka sngi Balang u la pyntip ba ka tnat ka la ïoh pdiang ïa ka kaiphod kaba ïadei bad ka jngbishar bniah halor ka jingdawa ka Meghalaya EMRI Worker Union (MEMRIWU).
Ki nongtrei 108 hapoh ka Jylla ki dang bteng ka jingïakhih teh lama iong ban dawa na ka Sorkar ban ai jingithuh ba pura ïa ki nongtrei, ban pynbeit ryntih ïa ka tulop bad ki la pyrshah ruh ban aiti pynïaid sha ki Company shimet ïa ki kali 108 hapoh Meghalaya.
Na ka liang u Myntri haba kren sha ki lad pathai khubor u la ong ba dang shen ka tnat ka la ïoh pdiang ïa ka kaiphod bad mynta ka dang bishar bniah ïa ki mat jingdawa jong ki nongtrei.
“Hadien ba la bujli Director, mynta u Ram Kumar u la wan shimti biang kum u Director ka NHM bad nga la dep ban lum ka jingïalang bad nga la bthah ïa u Director ban khot ïa kren ïa ki nongtrei 108,” la ong u Myntri.
Katkum ka jingong jong u, kaba sah mynta ka dei sa tang ïa u Director ban khot ïa kren ïa ki nongtrei ban pynsngew sha ki halor ka jinglap ka kaiphod.
U Myntri u la ïathuh ruh ba ka Sorkar kan buh ïa ka kaiphod hakhmat ki nongtrei 108 ban shim lang ïa ka rai, kumno ban ïaid shakhmat.