Da ka jingkyrshan ka MNREDA ïoh ki Nongrep Kait na ri lum Garo ban khaïi ïa 15 MT ka kait sha Patna

Shillong, Nailar 11: Kum ka jingkyntiew ïa ka kamai kajih ha ki thaiñ nongkyndong, 35 ngut ki nongrep kait na North Garo Hills ki la lum lang 15 metric ton ka kait ban die ha u nongkhaïi ha Patna, kaba dei ruh ka sien ba nyngkong ba la khaïi ïa ka kait napoh ka District shabar ka jylla.
Ia kane ka jingkhaii kait la phah lyngba ka DijakoAgro Producer Company Limited, ryngkat ka jingkyrshan na ka Meghalaya New and Renewable Energy Development Agency (MNREDA).
ïa ki kait la die sha ka Himalaya Traders, Patna ba la seng khnang ban ai ka lad ïa ki nongrep ban ïateh kular kaba kham janai bad ban plie lad ba kin ïoh ïa ki ïew kiba kham heh.
Ka jingai jingmut na ki nongthied la khmih lynti ba kan pynbha ïa ka jingthied ha ka lawei, ka jingbuh dor bad ki jinglong jingman jong ki nongrep ha ka thaiñ.
Ki heh ophisar ki la ong ba kane ka jingthmu ka pyni kumno ka jingïalang kaba la pynbeit ryntih bad ka jingpynïadei bad ka ïew ka hat ka lah ban pynduna ïa ka jinghiar dor ki mar ha ka por ba jur bha soi bha ka kait bad ban ai ïa ki nongrep ïa ka jingtip ha ka por kaba biang shaphang ka jingdawa ïa ki jait mar rep.
Da kaba pynïadei ïa ka jinglum bad ka jingshalan ïa ki mar bad ka jingpynïasoh ïa ki ïew ki hat, ka DijakoAgro ka la don ka bynta kaba kongsan ha kaba pynïasoh ïa ki nongrep bad ki jaka kiba thied ïa ki mar rep.
Ka MNREDA ka la kdew ba ka jingshalan ïa ki mar ba nyngkong ka dei ka sienjam kaba kongsan ha kaba pynkhlaiñ ïa ka dor jong ka kait na North Garo Hills, bad ka la pynskhem biang ïa ka jingkular jong ka ïa ki lad jingïarap kiba ïadei bad ka pynpoi iaki mar rep sha ki ïew kiba heh na ka bynta nongrep na kylleng ka Jylla Meghalaya.