Shillong, Naitung 25: Ka Hynñiewtrep National Youth Front(HNYF) East Khasi Hills ka la pynpaw ia ka jingpyrshah kaba jur ia ka jingthmu jong ka Dorbar Shnong Umpling ban ai NoC na bynta ban plie ia ki dukan die kyiad(Wine Store) ha ki bynta ka surok ban leit sha NEIGHRIM.
Ha ka kyrwoh sha ki lad pathai khubor ka HNYF ka la pynpaw ba kane ka jingpyrshah jong ka ia ka jingthmu ban ai NoC ka dei namar ba kam Dorbar Shnong Umpling ka khlem iasyllok shuwa bad ki shnong kiba don marsyndah bad kane ka jaka kaba la thmu ban buh ia kane ka dukan die kyiad.
Ka HNYF ka la ong ruh ba lada ai NoC ban buh dukan die kyiad kan warah ia ka jingdheng kali kumba jia ha Polo bad ruh ka lah ban wanrah shibun ki kam sniew ha kane ka thain khmtam eh namar kane ka jaka kaba shong khleh jaidbynriew ong ka kyrwoh na u President u Bah Blessedson Dkhar.
