Jop ka Mukhla Raij, Luti Tuber, Iawmulong Nartiang bad Mynthong ha ka ID Cup U-17

Jowai, Naitung 25: Ka lympung ïalehkai phutbol Independence Day Cup Under-17 Football Tournament 2022 ba la pynïaid da ka West Jaiñtia District Sports Association Jowai (WJDSA) mynta ka sngi ha madan Kiang Nangbah Stadium, Jowai. Haba phai sha ka jingïakhun ba nyngkong ka kynhun ïalehkai jong ka Mukhla Raij kala lah ban pynliem da 3-1 ïa ka Catholic Youth Mihmyntdu, ïa kitei ki kol na ka Mukhla Raij la thep da u Guiding star Suna haka minit ba 11, u Justin Sari haka minit ba 36 bad u Justful Sari haka minit ba 52.
Ha ka jingïakhun kaba ar ka Luti Tuber kala jop da 1-0 kol ïa ka Mookyrdup, ïa katei ka shikol la thep da u Iohbhah Dhar ha ka minit ba 41. Ka jingïakhun ba lai kaba la long hapdeng ka Iawmulong Nartiang pyrshah ïa ka Loomkyrwiang na ka liang ka kynhun ïalehkai jong ka Iawmulong Nartiang kala jop da 2-0 kol ba la thep da u Lamchwa Dkhar haka minit ba 33 bad u Khamkor Dkhar haka minit ba 58.
Katba ha ka jingïakhun kaba saw ka Mynthong kala pynliem noh da 2-0 kol ïaka Royal pole Mihmyntdu, ïa kitei ki ar kol na ka Mynthong la thep da u Pynchelang Amse haka minit ba 6 bad u Khrawbor Sukhlain ha ka minit ba 15.