EJHDFA 3rd Division: Mad jingjop ka Rymbai Pohskur bad ka Musniang Rim; ïakhaid kawei ka jingïalehkai

Jowai, Nailar 06: Ki resol jong ki jingïalehkai phutbol ha ka kyrdan Third Division 2026 League Stage bala pynïaid daka East Jaiñtia Hills District Football Association (EJHDFA) ba la long hynne ka sngi Palei, ka 06 tarik u Nailar, 2026 ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong, ka Rymbai Pohskur SC kala pynliem noh da 3-0 kol ïaka Mookympat SSCC. Ka Rymbai Pohskur SC ka la ïoh ban lamkhmat shi kol ha ka kylla step lyngba u Dakner Dkhar (39’), shuwa ba u Sanhame Bareh (42’) bad u Rap Dkhar (80+2’) kin bynrap mar kawei ka kol ha ka kylla miet ban pynskhem ïa ka jingjop.
Nangta ka jingïakhun kaba ar hapdeng ka Suchen Rim SC bad ka Wahsarang SC ka la kut ha ka jingïakhaid da mar 2-2 kol.
Baroh ar ki la ïoh ban lamkhmat mar kylliang ïa ka jingïakhun shuwa ba kan kut ha ka jingïakhaid, ha kaba ka Wahsarang SC ka la pynkhihjar nyngkong lyngba u Shawas Dkhar (10’) kaba la shah pynïakhaid ha u Baaijingkmen Suchen (22’) na ka bynta ka Suchen Rim SC.
Nangta u Baaijingkmen u la bynrap biang sa kawei ka kol ha ka minit kaba 50 na ka bynta ka Suchen Rim SC ban lamkhmat hynrei ka Wahsarang ka la jubab lyngba u Lukas Tlang, uba la pynïakhaid ha ka khyllipmat ba khatduh (80+1’).
Haba phai pat sha ka jingïakhun kaba lai, la sakhi ïa ka Musniang Rim SC kala jop da 2-1 kol pyrshah ïaka Umlong SSCC.
Ki ar tylli ki kol jong ka Musniang Rim SC la thep da u Lucky Talang (26’) bad u Lamphrang Dkhar (75’). Ka Umlong SSCC ka la pynïakhaid shipor ïa ka jingïakhun lyngba u Ezekhiel Dhar (56’).