Ha ka sien kaba saw rah nam lahduh ka Balang Mawlangwir HSSM ha ka 7th Inter-School Badminton C’ship 2026
Mawkyrwat, Nailar 04: Ka Balang Mawlangwir Higher Secondary School, Mawlangwir ka la ïoh ban rah biang ïa ka nam lahduh ha ka sien kaba saw ha ka lympung ïalehkai 7th South West Khasi Hills District Inter-School Badminton Championship 2026 ba la pynïaid da ka South West Khasi Hills District Badminton Association (SWKHDBA) bad ba la pynlong ha Mawlangwir Indoor Stadium, South West Khasi Hills District.
Da kane ka jingjop, ka Balang Mawlangwir HSSM ka la pynskhem ïa ka kyrdan kum kawei na ki skul ba khlaiñ tam ha ka jingïalehkai badminton hapoh ka district, hadien ba ka la rah ïa ka nam lahduh mynshwa ha u snem 2018, 2019 bad 2025, bad mynta pat ha u snem 2026. Katba ïa ka nam Best Discipline Team la ïoh ban rah da ka Little Star Higher Secondary School, Mawkyrwat.
Ha ka jingïakob Under-12 Boys Singles, u Melvinson Marweiñ na Lyntijingkyrmen Secondary School u la long u nongjop, katba u Nick Nelson Wanniang, na kajuh ka skul, u la wan ba-ar. Ha ka Under-12 Girls Singles, ka Idapynkmen Marpna na Little Star Higher Secondary School ka la rah ïa ka nam lahduh, katba ka Anibashisha Lyngkhoi na CPA ka la wan ba-ar.
Ha ka Under-14 Boys Singles, u Aibantyngshaiñ Wanniang na Balang Mawlangwir HSSM u la long u nongjop, katba u Davion Dapmain Jyrwa na Maharam Government HSSM u la wan ba-ar. Ha ka Under-14 Boys Doubles, u Aibantyngshaiñ Wanniang bad u Wanpynkmen Wanniang na Balang Mawlangwir HSSM ki la rah ïa ka jingjop, katba u Mewanjoplang Iawphniaw bad u Tyngshainlang Iawphniaw na Mawlangwir Government L.P. School ki la wan ba-ar.
Ha ka Under-14 Girls Singles, ka Alvatudor Marweiñ na Balang Mawlangwir HSSM ka la long ka nongjop, katba ka Labethunshisha Iawphniaw na Nativity HSSM ka la wan ba-ar. Ha ka Under-14 Girls Doubles, ka Alvatudor Marweiñ bad ka Annie Grace na Balang Mawlangwir HSSM ki la rah ïa ka nam lahduh, katba ka Labethunshisha Iawphniaw bad ka Sanisha Kharlyngdoh na Nativity HSSM ki la wan ba-ar.
Ha ka Under-16 Boys Singles, u Gideon Stiffenel Wanniang na Balang Mawlangwir HSSM u la long u nongjop, katba u Banhiamkupar Wanniang na kajuh ka skul u la wan ba-ar. Ha ka Under-16 Boys Doubles, u Gideon Stiffenel Wanniang bad u Aibantyngshaiñ Wanniang ki la jop, katba u Brandon Ozwin bad u Bamangdame na Balang Mawlangwir HSSM ki la wan ba-ar.
Ha ka Under-16 Girls Singles, ka Alvatudor Marweiñ na Balang Mawlangwir HSSM ka la bteng ban khur ïa ka jingjop, katba ka Labethunshisha Iawphniaw na Nativity HSSM ka la wan ba-ar. Ha ka Under-16 Girls Doubles, ka Alvatudor Marweiñ bad ka Annie Grace na Balang Mawlangwir HSSM ki la long ki nongjop, katba ka Labethunshisha Iawphniaw bad ka Ribanylla na Nativity HSSM ki la wan ba-ar.
Ha ka Under-18 Boys Singles, u Gideon Stiffenel Wanniang na Balang Mawlangwir HSSM u la rah biang ïa ka nam lahduh, katba u Batskhemboklang Iawphniaw na St. Xavier School u la wan ba-ar. Ha ka Under-18 Boys Doubles, u Gideon Stiffenel Wanniang bad u Banhiamkupar Wanniang na Balang Mawlangwir HSSM ki la long ki nongjop, katba u Brandon Ozwin bad u Bamangdame na kajuh ka skul ki la wan ba-ar.
Ha ka Under-18 Girls Singles, ka Wansaphi Marpna na MGHSSM ka la rah ïa ka nam lahduh, katba ka Naphilamyrmen Syiemlieh na Rising Secondary School, Sohkhyllam ka la wan ba-ar. Ha ka Under-18 Girls Doubles, ka Wansaphi Marpna bad ka Clariebel Lyngkhoi na MGHSSM ki la jop, katba ka Amygrace Lyngdoh bad ka Phibasani Marngar na St. Xavier School ki la wan ba-ar.
Ha ka jingïakhun Mixed Doubles, u Gideon Stiffenel Wanniang bad ka Alvatudor Marweiñ na Balang Mawlangwir HSSM ki la rah ïa ka nam lahduh, katba u Davion Dapmain Jyrwa bad ka Wansaphi Marpna na Maharam Government HSSM ki la wan ba-ar.
Lah ban kdew ba ïa kane ka lympung ïalehkai la plie paidbah da u Bah Carness Sohshang, MDC barim ka Mawkyrwat Constituency bad Co-Chairman jong ka Meghalaya State Development Reforms Commission (MSDRC), katba ïa ka jingïalang pynhap pyrda la pynïaid da u Bah Commander Shangpliang, President jong ka Hill Farmers Union Central Body bad President ka Meghalaya Film Maker, ha ryngkat ka jingïadonlang u Bah H.S. Diengdoh, President ka South West Khasi Hills District Badminton Association, ki nonghikai, ki nongïashimbynta na ki skul bapher bapher bad ki nongkitkam jong ka SWKHDBA.