Kyrpad u DC ban shim bynta baroh haka SIR, kyrmen ba ka district kan kot sha ka thong shuwa ka por

Nongpoh, Naitung 24: U Deputy Commissioner (EL) u la pyntip ba ka district Ri-Bhoi kala kiew shaphrang ha kaba ïadei bd ka jingpyntreikam ïaka Special Intensive Revision (SIR) da ka jingshim bynta shitrhem jong ki paidbah nongshong shnong bad baroh kiba donbynta lang abd khmih lynti ba yn lah ban kot sha ka thong shuwa ka por bala buh da ka Election Commission of India.
Kum ka jingpynphriang shuh shuh ïaka khubor halor ka jingdonkam jong ka SIR mynta ka sngi la pynlong ruh ïaka prokram kyrpang ha ka shnong Umsohlait haka jingïatreilang bad ka Electoral Literacy Club jong ka St. Vianney’s Higher Secondary School, Umsohlait ba ki paidbah ki dei ban shim ka jingkitkhlieh ban pynkhlaiñ ïaka synshar khaddar bad ruh ba ka thup ki nongthep vote kan nym bakla.
Kumba long haduh mynta ka 24 tarik Naitung 2026 haduh 2,05,529 tylli ki Enumeration Forms la sam sha ki paidbah kaba la poi kumba 99.90% bad kumba 1,61,777 tylli lah dep ban digitised kaba la poi kumba 82.18%.