Jowai, Naitung 23: Ka Special Intensive Revision (SIR) kaba la sdang naduh ka 30 tarik Jymmang ha baroh ki 313 tylli ki polling kiba hap hapoh ki 5 tylli ki Assembly Constituency ha West Jaiñtia Hills District ka la poi sha ka thong kaba khraw da ka jingjop ban sam ïa ki Enumeration Form (EF) sha baroh ki nongthep vote hapoh ka District.
U Deputy Commissioner (Election), West Jaiñtia Hills District, ula pyntip ba haduh ka 23 tarik Naitung, 2026, la sam haduh 2,20,478 tylli ki Enumeration Form (EF) kiba la lah ban pynurlong 100 percent.
Na baroh ki Enumeration Form ba la sam, la dep ban leh Digitized haduh 1,63,260 tylli kaba mut 74.05 percent jong ki nongthep vote. Napdeng ki Assembly Constituency, ka Amlarem ka dei kaba heh tam ka jingkiew ha ka Digitization kaba long 86.65 per cent, bud sa ka Raliang 74.87 percent, ka Mowkaiaw 70.83 percent, ka Nartiang 70.68 percent bad Jowai 68.02 percent.
U District Election Officer u la kyrpad ïa baroh ki nongthep vote kiba dei hok ban ïashim bynta shitrhem ha ka Special Intensive Revision ba kin ïatreilang bad ki Booth Level Officer (BLO) bad pynpoi ïa ki Enumeration Form kiba la pyndap hapoh ka por ba la buh khnang ban pynthikna ba ki kyrteng jong ki kin long kiba la pynrung thikna ha ka electoral roll.
Ki paidbah kiba donkam ïa kino kino ki jingtip, jingïarap ne jingpynshai ha kaba ïadei bad ka rukom pynbeit thymmai la kyrpang ki lah ban leh kynduh sha ka Help Desk lyngba kine ki number harum.
Na ka bynta ka 1-Nartiang- kong Felicia Khonglah bad u Bah Apreciable Phawa- 7629892575, 9863402988. 2-Jowai- kong Last Mary Born Phawa bad u bah Daladeionmi Dhar- 8014825181, 8414088025. 3-Raliang- kong Karrihun Suchiang bad u Bah Pynbiang Sari- 7005839615, 9366792338. 4-Mowkaiaw- kong Wanbha Lhuid bad kong Daiashanlang Phawa- 9863012643, 8258934463.
