Ka elekshon ha ri India ka dei kaba bha tam ha ka pyrthei baroh kawei

Nongstoiñ, Naitung 19: Ha ka sngi thohdieng ka 17 tarik Naitung ka Elction Commssion jon ka ri India ka la pynlong ïa ka Conference ba kyrpang kaba la tip kum ka India International Democracy of Election Management ha nongbah New Delhi bad ka la khot ïa ki nongpathai khubor bad kumba lai spah khatsan ngut ki nongpathaikhubor na ka ri baroh kawei ki la ïa poi.
Ha katei ka ka sngi la sdang ïa ka sien shong kaba nyngkong ha ka por 10 baje mynstep haduh ka por 12.30 myn sngi bad ha ka sien shong kaba nyngkong la ïadon lang da u Vijay Kumar Pandey Director Gemenral (Law), Ashsih Goyal Director General (Media) u Vijay Kumar Singh.
Ha katei ka sienshong ba nyngkong la ïa ka jingkren na u Vijay Kumar Pandey Director General (Law) ha kaba ïadei bad ka rukom pathai ïa ki khubor kiba shisha bad ki bym shisha.Ha kajuh ka por la ïoh ruh ïa ka jingkren na u Ashish Goyal Director General (Media) bad kiwei kiwei ki ophisar jong ka Election Commssion of India. Ha katei ka sngi la ïoh uh ïa ka jing pynshai ba bniah halor ka jingpyndon kam ïa ki Electronic Voters machine bad ha ki por Election.
Ha ka sien kaba ar kaba la sdang ha ka por 3.30 janmiet u Gyanesh Kumar Chief Election Commssioner jong ka Election Commssion jong ka ri India u la long u kongsan.
U Gyanesh Kumar haba kren kum u kongsan ha katei ka sngi u la ong ba ka Election na ha ri India ka dei ka Election kaba bha tam bad ym don kano kano ka ri synshar paitbah ha ka pyrthei baroh kawei kaba lah ban leh kum ka ri India.Nalor kata u la ong ruh ba ka ri India lyngba ka Election Commssion ka la lah ban pynrung haduh 95 crore ki nongshong shnong jong ka ri kiba la kynjoh 18 snemshaneng ha ka Electoralroll kba la don ka hok ban ïh thep vote.
Ha kajuh ka por u la ong ba ka jing kiew jong ka jingdon jong ki nongthpvote ha ri India ka kiw kumba 8% man la u snem. Shuh shuh u la ong ba na ki 63 lakh kiba la pynrung kyrteng man la u bnai ki don kiba hap ban pynbeit ïa ki kyrteng jong ki bad don ruh kiba hap ban weng noh.
U la ong ruh ba ki don 27 lakh ki nongtrei ba kynthup ïa ki BLOs, kiba la thung ba kin peit bniah halor kane.Ha kaba ïadei bad ka jingpynrung kyrteng thymmai kaba la tip kum ka Special Intensive Revission u Kumar u la ong ba ka jingpynrun kyrteng la lah ban pyndep haduh 80 % haduh mynta bad kane ka long ruh kaba la bthah da ka ïngbishar ba ha khliehduh jong ka ri ka Supremecurt badonburom na kabynta ban bud rynth kat kum ka riti synshar ka ri.