Jowai, Naitung 23 S: Kawei na ki karkhana dewbilat kaba la tip kum ka Best Cement Ltd kala kular ban siew noh ïa ka bainong (tulop) jong ki nongtrei Security Guard hapoh ar sngi kane kala mih hadien ka jingwan tuklar ka Jaiñtia Student Union (JSU).
Ka seng kala ïoh ka jingujor na ki nongtrei Security Guard kiba trei ha Best Cement Ltd halor ka jingpynslem ban ai ïa ka tulop kala la sah kut da ki bnai, mar mar ka JSU Khliehriat Circle da ka jingsnewlem ka la shimkhia ïaka jingeh ki paradoh parasnam kiba trei ha Best Cement kum ki Security Guard da kaba leit mih sha katei ka karkhana.
Kane ka jingpynsngew jong ki Security Guard sha ka seng ka la pynlong ïaka seng ban ban leit ïakren bad ki heh jong kane ka Company bad kila pan por haduh lai taiew ban pyndep ïa kane ka kam hynrei kane ka jingkular jong ka company kam long satia kaba biang ha khmat ka seng.
Shuh shuh ka seng kam sngew ïahap satia ban buh por haduh lai taiew ban siew lut ïaki tulop kiba lah sah da kaba bun bnai kumta ka seng ka la leit sa shisien ban ïakren biang bad ki bor pynïaid ka company bad ai por hapoh 24 kynta ban siew pyndep ïaka tulop ki nongtrei Security Guard hapoh ka Best Company.
Kane ka jingbuh teng ka company ban siew pyndep ïaka tulop ka lah pynbitar ïaki dkhot ka seng bad ka seng ka lah tuklar da kaba pyni bor ïaki heh ka company tat haduh ba ka company ka lah kular ban pyllait noh ïaka tulop ki nongtrei Security Guard hapoh ar sngi.
