Shillong, Naitung 17: Ka seng Hyñniewtrep Youth Council (HYC) mynta ka sngi ka la plie paidbah ïa ki ar tylli dur mot, ka jong u Syiem ha ka Hima Shyllong u Pa,im Bormanik Syiem bad jong u Syiem ka Hima Maharam u Sngap Sing Syiemlieh ka Hima Maharam ha Laitarted kaba hap hapoh ka Hima Nongkhlaw ha ka lyngkhuh dap snem kaba 12 snem jong ka seng.
Ka jingtei nam jong ka seng HYC ia u Syiem ka Hima Shyllong u u Pa,im Bormanik Syiem ka long halor ka nongrim ba u la dei u wei na ki syiem Khasi ba la la ïaleh pyrshah ka ki phareng ha ki snem 1826 bala ïada ïa ki Khasi na ka jingthom bor jong ki phareng ha kito ki snem.
Ka jingiakhun jong u Syiem Tirot Sing ka Hima Nongkhlaw, u Syiem Bormanik Syiem ka Hima Shillong bad u Syiem Sngap Sing Syiemlieh kila ia khun shisha pyrshah ia ki phareng ban pynioh ia ka jinglaitluid bad ban pynneh pynsah ia la ka jong ka tynrai da kaba ia khun pyrshah da ka thma ia ki phareng.
ïa kine ki ar tylli ki dur mot ba shong kulai kaba la shna nam na ka bynta kitei ki ar ngut ki syiem kiba la don bynta ban ia khun pyrshah ia ki pahreng bad y Syiem ka Hima Nongkhlaw, la plie paidbah mynta ka sngi ha ka lyngkhuh sngi iap kaba 191 snem jong u Syiem Tirot Sing.
Ha kane ka sngi u President rangbah ka seng u bah Roykupar Synrem u la pynskhem ïa ka shnat treikam jong ka seng kaba dei ki longkmie ha kane ka jingrakhe ka seng ia ka jingdap 12 snem naduh bala seng ia ka ha u snem 2014.
Ha ka jingkren ka jong u sha ki dkhot ka seng la ong ba ha kine ki 12 snem ka seng kala ia kynduh shibun ki jingtynjuh bad shibun ki jingshah kynthoh bad kynnoh hynrei ka seng ka la ïaid sha khmat haduh kine ki khyllip mat bad u la kyntu ia ki dkhot ka seng nym ïa peiñ bad pynjah burom ia ka seng, ka seng kan ai ka jingïaroh ïa kiba dei ban ai bad ban kren pyrshah ia kiba dei ban kren namar ki buh ia ki paidbah hakhmat.
