SHILLONG, Naitung 17: Ki jingïalehkai jong ka lympung Shillong Sports Association SRGT Third Division Football league 2026 hynne ka sngi Thohdieng (17.07.2026) la sakhi ïa ka Mawkasiang SC kaba la jop suk da 6-1 kol ïa ka Lawmali Pyllun SC.
Haba phai sha ka jingïakhun, ka Mawkasiang ka la pynkhihjar lyngba u Auspisious Kharpuli (15), u Enrique Sympli (50 & 61’), u Nonou Lupheng (56 & 74) bad u Rueben Shabong (80’)
Ka Lawmali Pyllun ka la pynphai shi kol lyngba u Playerson Nongkseh ha ka minit kaba 79.
Ha kawei pat ka jingïalehkai ka Lamlynti FC bad ka Sanmer SC ki la ïakhaid khlem da ïoh thep kol.
