Shillong, Naitung 16: Katba ka Fourth bad Third ki la nang jam shakhmat ka Shillong Sports Association (SSA) ka la khreh ban sdang noh sa ïa ka lympung phutbol ha ka kyrdan Second Division 2026, kaba la buh ban sdang ha ka 23 tarik Naitung.
Mynta ka samoi kin don 18 tylli ki kynhun ban ïashim bynta bad la phiah ïa ki ha ki lai tylli ki Group (A, B bad C) ba mar hynriew tylli ki kynhun (team) kawei kawei.
Ka jingïakhun kaba nyngkong kan long hapdeng ka Nongrah pyrshah ïa ka Madan SCC ha SSA Stadium.
Ki ar tylli ki kynhun ba pyndep ha khlieh duh ryngkat bad ar tylli ki kynhun kyrdan ba lai kiba kham kynsai na kawei pa kawei ka Group kin rung sha ka Quarterfinal. Ki ar tylli ki kynhun kiba poi sha ka phainal kin kiew kyrdan sha ka First Division ha u snem 2027.
Nangta ki kynhun kiba wan sha trai duh na kawei pa kawei ka Group kin hap ban ïakhun ïa ka Relegation Round, kaba ki hap ban ïakhun pyrshah markylliang (round robin). Ki ar tylli kiba kamai duna point tam na kane ka wat ïakhun kin shah pynhiar kyrdan sha ka Third Division ha u snem ban wan.
Kin don ruh ki kynhun ba thymmai na ka bynta ki jingïalehkai u snem 2026-27 ban pyntreikam ha ka Second Division, kumba la kdew ha ka khubor ba ïadei bad ka SPL.
Group A:
Marbisu SC, Mawpat SC, Nongrah SC, Madan S&CC, PFR FA, Lumshyiap SC.
Group B:
Mawryngkneng SC, Smit SC, Mawkriah SC, Umlyngka SC, Umprup SC, Nongmensong SC.
Group C:
Tynring SC, Sohryngkham SC, Lawsohtun SC, Umryngjah SC, Sohiong SC, Jongksha SC.