NEW JERSEY, Naitung 11: Ka FIFA ka la don haduh 1,200 tylli ki tiket ba hap ha ka thup ‘category two’ kiba la pynshongdor haduh $7,380 (haduh 7 lak tam ha ka pisa India) kiba la sdang tyrwa die ha ka sngi Thohdieng na ka bynta ka jingïakhun final jong ka FIFA World Cup kaba la buh ban long ha ka 20 tarik Naitung ha MetLife Stadium ha East Rutherford, New Jersey.
Ka FIFA ka dang die ruh 68 tylli ki tiket ba shakhmat kiba hap ha ka ‘category one’ ha ka dor kaba sdang naduh $19,995 (10 lak tam ha ka pisa India) haduh $32,970 (30 lak tam ha ka pisa India) bad ka don ruh ïa ki tiket kyrpang kiba dang sah ha ki bynta jong ka Trophy Lounge bad Trophy Lounge+ ha ka dor kaba $34,500 bad $32,500 (30 lak tam ha ka pisa India), kynthup lang ïa ka bam ka dih.
Nalor kata, ka FIFA ka don ïa ki tiket kiba lah ban thied ha ka dor $1,600 haduh $3,995 na ka bynta ka jingïakhun Quarter final hapdeng ka Argentina bad ka Switzerland ha Arrowhead Stadium ha Kansas City, Missouri.
Ki tiket ban die biang na ka bynta ka phainal kin sdang naduh ka dor $7,440.50 haduh $11,499,998.85.
