SHILLONG, Naitung 01: Ka Mylliem Umjyrsieh Football Association ha ka sngi Saitjaiñ ka la pynkut noh ïa ka Inter Dong Football Tournament 2026 ha kaba ka kynhun ïalehkai jong ka Lawei Ngin Tei Madan Iing Syiem ka la ïohrah ïa ka nam lahduh.
Ka Lawei Ngin Tei Madan Iing Syiem ka la lah ba kan pynliem noh ïa ka Nongkynrih FC ha ka jingïashut tie breaker ha ka jingïakhun phainal hadien ba ïakhaid ha ka por ïalehkai. Kum ka lahduh ka Lawei Ngin Tei Madan Iing Syiem ka la ïohpdiang ïa ka khusnam pisa kaba 70,000 tyngka.
Ha kane ka sngi u bah Hamlet Dohling President ka MFA, uba long ruh u MLA barim ka Mylliem Constituency, u la wan sakhi lang ïa ka phainal kum u Kongsan, ïa kaba na ka liang u President ka Mylliem Umjyrsieh FA u la pynpaw ïa ka jing sngew nguh ïa ka jinhpyllait por u bah Hamlet bad khamtam ïa ka jingnoh synñiang jong u ïa ka Association.
