SHILLONG, Naitung 01: Ka Mawkasiang SC bad ka Iaitylli SC ki la jop ïa la ki jong ki jingïalehkai jong ka Group C ha ka lympung Third Division Football league 2026 ba la pynïaid da ka Shillong Sports Association (SSA), kiba la long hynne ka sngi Balang.
Baroh ar ki la jop da 2-0 kol, ha kaba ka Mawkasiang SC ka la pynliem noh ïa ka Pomlakrai, katba ka Iaitylli SC ka la jop pyrshah ïa ka Rynjah SC.
Ha ka jingïalehkai ba nyngkong, ka Mawkasiang ka la pynkhihjar lyngba u Auspicious (43’) bad u Western Roy Nongrum (80+5’).
Nangta ha ka jingïalehkai kaba bud ka Iaitylli ka la thep ïa ki ar kol lyngba u Franky Nongspung (43’) bad u Shwameiaki Kharumnuid (71’).
Ka jingïakhun jong ka Group B ha ka sngi Ba-ar, la sakhi ïa ka Lawmali Pyllun SC kaba la jop da 2-1 kol ïa ka Kharang SC.
Ki ar kol jong ka Lawmali Pyllun SC la kum bakla thep hi da u Michal Pator (17’) bad kawei na u Mebanteilang Marbanian (68’).
Ha kawei pat ka jingïakhun ka Lummawbah SC ka la jop da tang 1-0 kol ïa ka Umphyrnai SC lyngba ka kol ba la thep da u Adelbert K. Shun (42’).
Ka prokram ïalehkai jong ka SSA SRGT 3rd Division Football league 2026 ha kane ka sngi Palei (02.07.2026)
Jaka: SSA Ground – Por- 1: baje mynsngi
Lapalang SC pyrshah ïa ka Umpling SC
Jaka: SSA Ground – Por- 4: baje janmiet
Sanmer SC pyrshah ïa ka Lumparing SC
