Bitar u Bah Suni Bareh ba paw ki kyntien pynjahburom ïa u samla Reginal Shylla ha ka FB-Ri Pnar Students Union
Khliehriat Jylliew 29: U samla rangbah uba na ka shnong Rymbai, East Jaiñtia Hills District, u bah Suni Bareh, mynta ka sngi u la mih shakhmat bad pynpaw ka jingsngew bitar bad sngewkhia halor ki jingkren pynjah burom jong uwei u briew uba dei u trai jong ka Facebook Account kaba la tip kum ka Ri Pnar Students Union, ha kaba u la pynjahburom ïa u samla Reginal Shylla uba dei u paralok ba ia jan bha bad u Suni Bareh.
U bah Suni Bareh, u pynrem jur ïa ka jingleh uta u briew uba Post pynjah burom ha Facebook bad ong ruh kane ka Facebook account jong ka seng Ri Pnar Students Union ka dei ka jong u hi shimet bad ha kane ka facebook account la iohi ïa ki jingkren pynjahburom ïa u samla Raginal Shylla ha kaba la pyndonkam da ki kyntien kiba ym sngew lah ban pdiang ha ka imlang ka sahlang “Nga la iakren bad u samla Raginal Shylla lyngba ka phone call halor ka jingshah pynjahburom, ha kane ka facebook, ha kane ka facebook la shah pynjahburom ruh ïa kiba bun ym tang ia u samla Regianal Shylla, ïa nga ruh, ïa ka KSU, ïa ka JSU bad kiwei kiwei ruh ha kaba la kren da ki ktien pynjahburom, nga la iakren ba ngin iaid shakhmat da ki bor jong ka aiñ halor kane jingpynjahburom
Shuh shuh, na ka liang u samla Reginal Shylla ruh, uba na East Jaiñtia Hills District, myn ha ka 23 tarik mynta u bnai jylliew u la buh da ejahar ha u Superintendent of Police Cyber Crime Meghalaya ha kaba u la ujor pyrshah ïa ka facebook account ‘Ri Pnar Students Union’ halor ki jingkren kynthoh kiba paw ha rynsan facebook, ki kyntien kiba ym lah ban pdiang, ki jingkynthoh kiba paw ha rynsan social media lyngba kane ka Facebook ki long “Shaei une u khynnah eit kait heh tang ka ktien…kren ruh kum hijra, ka dur ruh kum hijra…..Three months of hunger strike and still this hijra has not die, where is this dog? Useless person”
Ha ka ejahar, la ong ruh ba kane ka juh ka facebook account ka la pynjahburoh ar sien ïa u Reginal Shylla bad ïa ki post la pynsaphriang ruh sha kiwei kiwei ki facebook account bad kane ka la pynwit shikatdei eh ïa ka jingmut jingpyrkhat jong u samla Reginal Shylla.
U Reginal Shylla u kyrpad bad kyntu ïa ki bor ka aiñ ba kin shim khia bad pyn ngat ïa uba don kti hapoh ki kyndon aiñ kiba tyngeh kiba ïadei bad ka jingpynjahburom ia kiwei, ban tohkit halor kane ban lap ïa uba pyndonkam ïa kane ka facebook Ri Pnar Students Union.