Ban kyntiew ïa ki nongrep sdang ka KPADO da ka jingai jinghikai ba 25 sngi ha Rambrai

Nongstoiñ, Jylliew 24 : Na ka bynta ban kyntiew ïa ki nongrep ha ka thaiñ Rambrai West Khasi hills kawei ka kynhun kaba la tip kum ka Kyrsiew Pynroi Agrofarming Development Organisation kaba la seng da u bah Bony Kharbani naduh u snem 2018 kaba la buh ruh ïa ka karkhana pynmih jingbam dohkha bad jingbam sniang harud ka surok Nongstoiñ Shillong ha ka shnong Mawrok Porsohsat ha kane ka sngi balang ka 24 tarik Jylliew ka la sdang ïa ka programe ba kyrpang ha Rambrai ban ai jinghikai ïa ki nongrep kumno ban rep ban riang bad kiwei kiwei.
Ha shuwa ban sdang ïa katei ka jingai jinghikai la pynlong ïa ka jingïalang ba lyngkot ha ka hall jong ka St. John Bosco Higher Secondary school hall ha Nongkroh (Rambrai). Ha katei ka sngi la pynïaid ïa ka jingïalang da ka kong Gavy Jones Lyngdoh Marshilong kaba dei ka nongpeit ïa ka karkhana pynmih jingbam sniang bad jingbam dohkha ha Porsohsat.
Ha katei ka jingïalang la ïoh ïa ka jingpynshai na u bah Bony Kharbani uba dei u nongseng jong ka KPADO ha kaba ïadei bad ka jingthmu ba kongsan jong ka Organisation ban pynlong ïa katei ka prokram ai jinghikai na ka bynta ki nongrep. U bah Kharwan haba ai jingpynshai ha katei ka sngi u la ong ba naduh ba la sdang ban seng ïa katei ka Organisation ka jingthmu ba ha khmat eh ka long ban ai jinghikai ïa ki paitbah nongshong shnong kumno ba kin kyntiew ïa ka ïoh ka kot ka kami kajih da kaba pyrshang ban ïeng ha la ki jong ki kjat.
Ha kajuh ka por u la ong ba katkum ka jingïaid ka por man la u snem da ki phew hajar ki khynnah skul kiba pass ïa ki jingpule ki jong ki ha ki kyrdan bapher bapher hynrei ka jingkyrduh kam sorkar ka nang jur kumta ka la don kam ban hikai ïa mki samla pule ba kim dei ban pynleit jinmut tang ha ki kam sorkar hynrei ba kin nag kumno ban thaw kam da kaba sdang ban ïeng hala ki kjat bad ryngkat bad ka jingpynlut na kabynta ban thaw ki kam namar lada khlem ka jingpynlut yn ym lah ban shu ïoh ei.U la ong ruh ban a ka bynta kito ki samla kiba pep noh shiteng por ïa ka jingpule jong kin a kiba bun ki daw ka Organisation ka don ïa ka thong ban kyntiew ïa ki kumno ba kin sdang ïa ki kam kiba lah ban kyntiew ïa ka lawei bad ka ïoh ka kot jong ki
Hadien ka jingpynshai jong u bah Bony la ïoh ïa ka jingkren na u Bah P.Khramawlong Sub Divissinal Officer Meghalaya State Skill Development Society uba long u symbud kongsan. U bah Kharmawlong haba ai jingkren ha katei ka sngi u la ong ba ka MSSDS ka dei ka tnad trei kam jong ka sorkar kaba peit ïa ka jingtrei kam ha baroh khatar tylli ki district. Ha kajuh ka por u la ong ba naduh u snem 2013 ka Society ka la sdang ban trei kam ha West Khasi hills bad ka la long ka jingkyrkhu kaba khraw ïa ki paitbah nongshong shnong kiba la ïa don bynta bad ka society. Nalor kata u la ong ba ki la don shibun ki samla kiba la ïoh jinghikai pyntbit ha ki bynta bap her ba pher kiba la ïoh ban leit trei shabar ka jylla ruh.
Ha kajuh ka por u la kyntu ïa ki nongrep ba kin shim khia ha kaban leit ha ki jingai jinghikai pyntbit ha kiba bun ki kam na ka bynta ban kyntiew ïa ka ïoh ka kot jong ki.Khatduh eh la ïoh ïa ka jingkren na u bah R.G.Momin MLA ka Rambrai Jyrngam constituency uba long u kongsan.
U bah Momin haba kren kum u kongsan ha katei ka sngi u la ong ba ka jing ai jinghikai ï ki nongshong ahnong na ka bynta ba kin trei ïa kino kino ki kam la ka long ha ka kam shna ïng shna sem, tei ki jingtei kiba heh , shna ïa ki karkhna, shna bad moramot ïa ki kor ki bor ka long ka jingkyrkhu . Ha kajuh ka por u la kyntu ïa ki nongshong shnong kiba don ïa ki sap ba kyrpang ha kino kino ki kam ban trei ki dei ban nag pynjanai bad pyntbit shuh shuh namar ka sap ba ki don ka dei ka jingai ba kyrpang jong u BLei kumta ki dei ban pyndon kam hok ïa ka khnag ba kin nang kiew shaphrang ha ki liang baroh.