SHILLONG, Jylliew 24: Ka Pomlakrai SC ka la pynliem noh da 2-0 ïa ka Iaitylli SC ban bteng ïa ka jingjop ba paka ha ka Group C jong ka lympung Shillong Sports Association SRGT 3rd Division Football League 2026 hynne ka sngi Balang.
Baroh ar tylli ki kol ki la wan ha ka kylla step ha kaba u Peacemaker Lyngdoh u la pynkhihjar nyngkong ha ka minit kaba 27, nangta bud sa ka kol jong u Vasco D Kurkalang ha ka minit kaba 31.
Ka jingjop ka la pynlong ïa ka Pomlakrai ba kan kamai pura 6 point hadien ar tylli ki jingïalehkai bad pynskhem ïalade ha khlieh duh jong ka Group C.
Kawei pat ka jingïalehkai, kaba dei ruh jong ka Group C, la sakhi ïa ka Rynjah SC bad ka Mawkasiang SC kiba la ïasam mar shi point naba ïakhaid mar 1-1 kol.
Ha ka jingïalehkai, ka Rynjah ka la ïoh ban lamkhmat na ka kol jong u Stephan (13’) hynrei sniewbok ba ka la shah pynïakhaid noh namar ka jingbakla jong u Aidikithmu, uba la kum thep hi (own goal) ïa ka kol ha ka minit kaba 46, kaba la pynlong ïa ka Mawkasiang ba kan khur lem ïa ka shi point na kane ka jingïakhun.
Ka prokram ïalehkai jong ka SSA SRGT 3rd Division Football League 2026 ha kane ka sngi Palei (25.06.2026)
Jaka: SSA Ground Por- 1:00PM Lumparing SC (vs) Lapalang SC (Group D)
Jaka: SSA Ground Por- 4:00PM Sanmer SC (vs) Umpling SC (Group D)
