Lada ki MDC bad MLA kim kohnguh ïa u paidbah ha kane ka elekshon MP shiteng samoi wat kyrshan shuh ïa ka NPP: Ham

Jowai, Jylliew 21: Uwei u Rangbah na Wapung Shnong u ma Ham Kyndait haka jingkren jong u haka jingïalang ka JCOMSWA mynta ka sngi 22 tarik u Jylliew ha Madan bol jong ka Ladrymbai Dongwah, East Jaiñtia Hills District ula ong “lada kine ki MDC bad ki MLA kim kohnguh ïa u paidbah ha kane ka MP By-Election wat kyrshan shuh ïa ka party NPP.
Shuh shuh ula ong haka por Election ki MLA, MDC kila pynbeit lai phew jait ïa u Paidbah na ka bynta ban ïada ïa ka ïap ka im jong ka jaitbynriew, hynrei mynta haba kila don haka sorkar u Conrad K Sangma, ula shim smai syndon ïaki ‘lada long ki nongshohnoh ne nongtuh ruh kim dei ban ïathuh ïa ki paidbah’.
U la ong kum ki paidbah ngin ïeng skhem ha ka nongrim ban dawa pyllait tih dewïong kumba long naduh ki por mynshwa ïa kane ka kam tih dewïong la trei kumba 62 snem mynshwa.
Ula kynthoh kine ki Blei san snem kila shah teh shah khum ha ka sorkar u Conrad, ym lah ban len wat sha ki thaiñ Lumshnong kala jia ka jingeh kaba khraw.
‘Ngin ym kynran dien ngin ïakhih wat lada mih ka snam’ namar ka jingshan ban beiñ kala long shaba palat, wat ban im tymmen kiba ha ïing ha sem mynta kala tlod bad duna ka rta namar ka jingbym ïoh pisa ban ai jingsumar da kaba biang, ong utei u Rangbah.