La plie ïa ka jaka lum ñuit ha Ïew Rangblang ban pynthikna bad wanrah ïa ka jingkhuid

Rangblang, Jylliew 16 : U bah Carness Sohshang uba dei u MDC barim jong ka Mawkyrwat Constituency u la ïoh ban plie paidbah noh ïa ka Dustbin kaba don hapoh Iew Rangblang ha kaba ïa kane ka projek la pyntrei lyngba ka Ïew Rangblang Sanitation Development Committee na ka skhim Tied Grant 2021-22 napoh KHADC ha ka jingmang pisa kaba T. 5 lak tyngka.
Ha kane ka sngi la don lang ruh u bah Ferdinan Syiemiong uba dei u Acting Syiem ka Hima Nobosohphoh, uba dei ruh u nongpeit ïa ka Ïew Rangblang, ki Lyngdoh ka Hima, ki riew rangbah shnong bad ki paidbah ka thaiñ.
La plie buh khnang ïa kane ka jaka theh ñiut da ka pynurlong ïa kane ka jingthmu ban pynkhuid bad pynitynnad ïa ka ïew Rangblang lyngba ka jingai jong ki paidbah ïatreilang.
Ha kane ka sngi la ïoh ruh ban aiti ïa kane ka Dustbin sha ka Kur Thongni, kaba la ai sngewbha ïa ka jaka ban tei ïa kane ka Dustbin. Ka Committee ka la pynpaw ïa ka jingsngewnguh kaba khraw ïa ki rangbah ka Kur Thongni namar ka mynsiem jingïatreilang bad ka jingkloi jong ki ban ai sngewbha ïa ka jaka na ka bynta kane ka projek kaba myntoi ïa ka imlang sahlang.
La pynlong ïa ka jingïalang lyngkot hapoh ka jingïalam u Bah Tickshar Sangriang uba dei u Chairman ka Ïew Rangblang Sanitation Development Committee bad la pynkut da ki kyntien ai khublei na u Chairman ka Committee.