Ailad noh da u Bah D.P.Wahlang, IAS ban khlieh ïa ka 6th Meghalaya State Pay Commision -Babu Kular Khongjirem

Man la ka shisien shiphew snem (once in every ten year) kano kano party kaba don ha ka bor synshar ne long sorkar (State Govt) ha Meghalaya ka la ju thaw ne pynlong (constituted) ïa ka Meghalaya State Pay Commission ban pynthymmai (revised) ban pynkiew ne kyntiew tulop ïa ki nongtrei sorkar (state govt.employees) bad kumjuh ruh ki jaka trei (sector) kiba ka state govt. ka ju kner lang (extended) ban siew lang da ka tulop sorkar (govt.salary). Ka Sorkar India (central Govt.) pat ka la dep leh shaid shaid ban pyntreikam noh ïa ka 8th Central Pay Commission naduh mynta u snem 2026 da ka tulop thymmai (revised Pay scale).
Naduh ki snem 1976 la sdang ïa ka Meghalaya 1st State Pay Commission ba la khlieh da u (L)Prof. Dr R S Lyngdoh kum u khlieh (head/Chairman) ba nyngkong duh jong ka State Pay Commission. Lait noh na utei u ‘riew khraw proh jabieng, baroh ki Chairman kiba la khlieh ïa ka State Pay Commission la jied bad thung beit (appointed) da ki briew kiba la bat ïa ka kyrdan IAS khamtam eh, ki kham jied ïa kiba la ju bat bad poi haduh ka kyrdan kum ki Chief Secretary. I Ma (L) R Tokin Rymbai (IAS) ila long u Chairman jong ka 2nd Meghalaya State Pay Commission ha u snem 1986 bad dei lyngba jong i ba ki nonghikai bad nongtrei (teaching & non-teaching staffs) jong ki skul kiba hap ha ka kyrdan deficit system ki la ïoh (enjoyed) ïa baroh ki jingsiew bad jingmyntoi (all allowances) kaba ïaryngkat lang (at par) bad ki nongtrei sorkar bad kane ka ïai bteng haduh ka 5th Meghalaya State Pay Commission kaba la treikam naduh u snem 2017 kat haduh kine ki sngi.
Ha ki snem 1996, kata, ha ka 3rd State Pay Commission (lada ym bakla) ka sorkar Congress ha kata ka por (at that point of time) hapoh ka jingïalam jong I (L) Dr. D D Lapang kum u Chief Minister kam lah (failed) ban pyntreikam ïa ka 3rd Meghalaya State Pay Commission bad la pynduh ei noh shi snem. Ha ka jaka ban sdang (took immediate effect) ha u snem 1996, la rah bad pynjlan (extended) noh ïa ka revised Pay shi snem, kata, la sdang pyntreikam noh naduh u snem 1997 ha ka jaka 1996. Baroh kiba ju ïoh tulop sorkar ki la duh ei (missed) kawei ka snem ban ïoh (enjoyed) ïa ka tulop thymmai. Ka 4th bad 5th Pay Commission ruh ka la sdang ban treikam naduh u snem 2007 bad 2017 ter ter ym shuh 2006 bad 2016 namar ba la dep bakla pyntreikam ïa ka da ka sorkar kaba rim. Mynta u snem 2026 u la ïaid la palat mar shiteng snem ei ei, hynrei kane ka sorkar MDA-II imat kam pat pyni dak eiei ne pyrkhat shaphang ban thaw (constitute) ïa ka 6th Meghalaya State Pay Commission. Lada kam pat pyrkhat ban thung ïa ka 6th Pay Commission haduh mynta, kan long ka jingma ïa baroh ki nongtrei ba ju ïoh tulop sorkar ba ïoh kim ïoh ne duh tulop thymmai (revised Pay) biang naduh u snem 2027 ïoh poi biang ka jingpynslem biang bad bit raibi biang sa shi snem (one more year) bad poi shaduh 2028 kaba la dei ka snem jong ka general MLA Election ha baroh kawei ka jylla Meghalaya. Kumba ka long mynta, napdeng ki IAS officer ba la shongthait (Retired IAS) jong ka Meghalaya, u briew uba kham biang eh (most efficient and capable person) ban khlieh (head) kum u Chairman ka 6th Meghalaya State Pay Commission bad uba la bat ruh ïa ka kyrdan (rank) kum u Chief Secretary ka sorkar Meghalaya uban long ruh u briew uban ïa hap bha ïa katei ka kam (right person for the right post) u dei u Sir D P Wahlang, IAS, Ex. Chief Secretary jong ka Meghalaya uba dang shu shongthait shen mynta.
U dei u briew uba la kham shemphang (a man with vast experience) ha ka state jong ngi. U briew uba ju trei bad leh ïa ka jingshisha (right thinking person) bad u briew ubym ju don ka leh shiliang khmat ïano ïano ruh hynrei u leh ïa kaba dei (a man of integrity) bad uban long bad trei shisha kum u Chairman ba lah ban treikam (capable Chairman). Lada ka sorkar MDA-II kam kwah ban leh shiliang khmat ne kwah thung da ki briew ka party la jong (favouritism), ka dei ban thung bad ai ïa katei ka kam Chairman jong ka 6th Pay Commission ha U Bah DP Wahlang, IAS u bym pat don sha kano kano ka political party (neutral man) ba un khlieh ïa katei ka Commission mynta ka sien.