Nongpoh, Jylliew 11: 3 ngut ki briew kila mynsaw bad kawei ka dukan sha kala pra phom mynta ka shiteng sngi hadien ba kawei ka kali Swift kala leit ban tynrah ïaka dukan sha kaba don harud surok bah National Highway 6 haka shnong Umdihar, Ri-Bhoi District.
Katkum ka jingtip bala ioh lum la ong ba kane ka jingjia kala jia haka por kumba 12 baje eiei mynta ka shiteng sngi ha kaba katei ka Swift kaba don ïa u number AS 01 GQ 2040 ka dang mih na Shillong ban hiar sha Guwahati hynrei ynda poi ha katei ka jaka u nongñiah um lah ban teh lakam ïaka kali bad leit tynrah beit ïa katei ka dukan. Halor kane ka jingjia haduh ba 3 ngut ki samla kiba dang bamja kila mynsaw bad la pynkit noh sha Nongpoh Civil Hospital naka bynta ka jingsumar bad naka liang ki pulit ka Nongpoh Traffic ki dang pynlong ka jingtohkit halor katei ka jingjia.
