Shillong, Jylliew 08: Ka khubor ba la ïoh na ki pulit la ïathuh ba u Bah Khraw K Jyrwa, Supervisor jong kawei ka jaka shna jingshna kaba ha Lower Lachaumiere, Shillong u la phah ka jingujor ba ha ka 5 tarik mynta u bnai ha ka por kumba 1.45 baje janmiet, arngut ki riew shimet kiba kyrteng Marshall Jyrwa ba la 29 snem ka rta bad Riborlang Wanssi ba la 26 snem ka rta, ki ïaid lyngba katei ka jaka shna jingshna kaba ha Lower Lachaumiere, Shillong, bad la kynnoh ba ki la tuh ki nar rot bad ki la kit ïa kitei ki tiar hapoh kawei ka scooter kaba don u nombar ML-05AE-8606. Hadien pat na ka liang ki nongtrei katei ka jaka tei jingtei ki la ïoh ban khang kdong ïa ki ha kawei ka jaka kaba hajan BK Bajoria School, Shillong.
