Pynlait paidbah ka TRAI ïa ka jingwad bniah IDT haba ïadei bad ki mobile phone ha NELSA

Shillong, Jylliew 08: Ka Telecom Regulatory Authority of India (TRAI) ka la pynlait ïa ka jingwad bniah jong ka Independent Drive Test (IDT) kaba la pynlong ha kylleng ki distrik jong ka thaiñ lam mihngi jong ka Ri Lum Jaiñtia bad ha ka thaiñ sepngi jong ka Ri Lum Jaiñtia bad na Rathacherre Khasia Punjee sha Jowai ha surok NH-6 kaba hap ha ka jylla Meghalaya hapoh ka North East LSA, ha u Lber 2026.
Na ka bynta jingpyntip paidbah sha ki nongpyndait phone bad internet, ka jingthmu jong kane ka jingpyrshang ka long ban ïoh lad ban thew bad ka jingpynshisha ïa ka jinglong ba bha bad ka liang ka ïoh kit kaba mynta jong ki kynhun mobile network na ka bynta kiba pyndonkam ban kren phone bad ka data kaba la ai da ka kompeni kaba pynbiang ïa ka jingïakren phone ba tip kum ka Telecom Service Providers (TSP).
Ha ka por jong ka Independent Drive Test, ka TRAI ka la ïohi ïa ka jingtreikam jong ka Telecom Service Providers na ka bynta ka jingthew ka network ne Quality of Service (QoS) kum ka jinglah ban tap ïa ka network, ka jingdkut shiteng ka laiñ ha ka por ba ïakren phone ne ka Call Drop Rate (CDR).
Ka jingheh ne ki percentage jong ka jingïakren phone kiba pynïasoh bha naduh ba la ñion ïa u nombar phone haduh ban da ïohsngew bha u nongshim ïa ka phone ne ka Call Setup Success Rate (CSSR), ka jingdownload ïa ki data ba donkam ne data Download (DL) bad Upload (UL) bad kiwei kiwei, ha kaba ïa kane, la pynmih ban pyntip ïa ki nongpyndonkam mobile bad pynshlur ïa ki TSP ba ki nangpynbit pynbiang shuh shuh ïa ki jingdonkam.
Kine ki Independent Drive Test (IDT) la shna ban pyni shisha ïa ka jingtreikam jong ka mobile network jong baroh ki Telecom Service Provider (TSP) ha ki jaka bapher bapher kum ki sorbah, ki jaka pynpaw internet (hotspot), bad ki jaka shong kali paidbah.
Ha kane ka jait jingthew network, la pyllait ïa ka ‘internet’ (data) bad ka kren phone (voice), la pynlong da kaba pyndait ïa ki SIM card na baroh ki kynhun pynbiang ‘network’ (Telecom Service Provider – TSP) lyngba ki network 2G, 3G, 4G bad 5G. La pyndonkam bun jait ki mobile phone bad ïa kane, la peit bniah bad kheiñ da kaba pyndonkam da ki kor ki bor computer.
Ka TRAI, lyngba ka kynhun jong ka, ka la dep pynlong ïa ka jingthew network ha kylleng ka nongbah ka long 213.0 kilometer, ha surok Highway – 98.9 Kilometer, ki jaka pynpaw internet – 10, ka jingthew da kaba ïaid – 0.5 Kilometer ha ka jylla Meghalaya ha ka 11 haduh 16 tarik, Lber 2026 ha North East LSA.
La pynlong ïa kine ka jingthew hapoh ka jingpeit jong ka TRAI Regional Office Kolkata. Ka jingbatai jong kine ki kaiphod ka pyni tang kumno ka network ka long ha ka por bad ka jaka ba la test, ym shym mut ba kan neh kumba ka long shisha.