Shillong, Jylliew 06: Ki arngut ki dkhot ka seng samla pule ka Khasi Student’s Union u samla Lodestar Khyllep bad u Damewanbha Shullai na ka KSU Mawlong Unit ba dang hab hapoh ka KSU South Khasi Hills District Unit ki la lait jamin, baroh arngut, ha ka miet jong ka 5 tarik mynta u bnai, 2026 kiba la shah pharep bad kynnoh ha kaba donkti ban shoh ïa ki bar jylla ha Laitkynsew.
Kum ban shu pynkymmaw, ka Ïingbishar ba don burom ka la ai jamin noh ïa kitei ki dkhot ka seng hadien ba ka lap ba kam don kano kano ka sakhi ïa ki halor ka jingshah kynnoh ba ki donkti ban shoh ïa ki mynder.
Kumta na ka liang ka seng ka ai khublei ïa ki kmie ki kpa kiba lah ai ka jingshaniah ïa seng bad khamtam ïa kine arngut ki khun dap shynrang ki bym randien ne artatien halor ka nongrim.
Ka seng ka maham ruh ïa kino kino kiba shim kabu ban pynsngewthuh bakla ïa ka nongrim ka seng kaba ïeng ban ïada ïa ka ri bad jaitbynriew ha kiba bun ki bynta bad ki kam.
