Mynta ka sngi yn sangeh ban shakri ki kali kit nongpang 108 ïa ki paidbah

Shillong, Jylliew 3: Ki kali kit nongpang 108 kiba don hapoh East Khasi Hills District, mynta ka sngi ka 4 tarik u Jylliew kin ym trei kam namar ba baroh kila ngat duty bad lada ki paidbah ki donkam ïa ka jingshakri jong ka kin ym ioh satia.
Ïa kane la pyntip da ka nongai ktiem jong ka Meghalaya EMRI Worker Union (MEMRIWU) ka kong Microlina Syiemlieh ha ka jingiakynduh bad ki lad pathai khubor.
Hapoh ka jylla Meghalaya ki kali kit nongpang 108 ki don tang kumba 47 tylli bad 20 tylli ki leit ha ka official duty bad ki VIP bad na East Khasi Hills mynta ka sngi ym don kiba trei kam, kala ong.
Hadien ka jingioh jingujor na ki paidbah ha kaba ïadei bad ka jingbym ioh lada ki phone ha u number 108, ka Kong Syielieh kala ïathuh ba haba ki paidbah kim lah ban leh eiei namar ba ym don ka back up ne kiwei pat ki tiar ban kyrshan.
“Lada ki paidbah kiba don kam ka jingshakri ki kali kit nongpang 108 hynrei lada phi phone phim ioh sngewbha ban phone ha une u number 7005517621” la pyntip ka kong Syiemlieh.