Shillong, Jylliew 02: Ka Dorbar Shnong Umkiang, ka pynpaw ïa ka jingsngewbynniaw halor ka jingbym biang ka bording electrict ha ki thaiñ Umkiang ha kine ki 2/3 bnai naduh ba lah sniew ka Sub-station kaba don ha shnong kuliang. Ka jingduh light ka long khah khah khamtam ha ka por mynmiet manla ka sngi. Ka jingbym biang ka bor ding electrict ha ki thaiñ Umkiang, ka la ktah haduh katta katta, nalor ka thaiñ ka long kaba shit ha kine ki bnai lyiur. Ka ktah ruh ïa ki khynnah skul kiba hap ban pyndonkam da ki mombati ha ka por ba ki khreh kot.
Halor kane ka jingeh kaba ki nongshong shnong ki ïakynduh na ka liang ki nongpynïaid shnong ki la pyntip barabor sha ki bor badei peit jong ka MEPDC, Moowakhu, East Jaiñtia hills District, hynrei haduh mynta ym shym la maramot ne pynbha ïa katei ka Sub-station kaba don ha Kuliang.
Kumta sa shisien la kyrpad biang ïa kane ka Department ba kan leh mardor ban pynbha ïa u Transformer 33KV uba don ha Shnong Kuliang, khnang ba kan long ka jingmyntoi ïa ki nongshong shnong kiba sah ha ki thaiñ khappud, ong ka kyrwoh na u Bah Lasting Pala bad u Bah Nicholas Lyngdoh, Waheh Shnong Umkiang bad Secretary Shnong Umkiang.
