Shillong Jymmang 31: Ka khubor ba la ïoh na ki pulit la ïathuh ba u Ansul Surana u la phah ka jingujor ba ha ka 25 tarik mynta u bnai ha ka por kumba 4.55 baje janmiet, uwei u Deepak Verma hadien ba u la buaid kiad u la leit sha ka dukan jong u kaba ha Mawlonghat, Shillong, da ka ktien u la kren ki ktien pynjah burom bad ïa ki dkhot jong ka ïing ka sem jong u, u la tim, u la kynroi bad wan ban tur kaba la lam sha ka jingïakynroi hapdeng jong ki.
Shuh shuh utei u ba ujor shuh shuh u la ïathuh ba u la pynsangeh ïa baroh ki kam khaïi kiba dei bad katei ka kyrteng jong utei u briew na kadaw ba ka la don ka jingpyndonkam da u duma ba thok, u washing powder bad ka shim pisa beaiñ kaba la lam sha ka sut kaba heh.
