Shillong, Jymmang 31: Ki pulit ki la ïathuh ba u Debashish Dey u la phah ka jingujor ba ha ka 26 tarik mynta u bnai ha ka por kumba 8.40 baje mynmiet, laingut ki runar bym lah ban ithuh ki la ktah kti ïa u haduh ba u la mynsaw, bad ki la pyrshang ban knieh ka pla kaba don ka pisa kumba T. 1 lak hapoh ka shnong Nongsohphoh (Naspatighari), Shillong. Hynrei na ka liang ki nongshong shnong ki la wan ban pynlait ïa u bad ki la pynkit noh ïa u sha hospital ha Shillong na ka bynta ki lad jingsumar.
La ïathuh ba hadien ba la wan ïarap ki nongshong shnong kitei ki runar ki la phet krad noh na katei ka jaka khlem ïohi syrngiew syrnget shuh.
